Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 1

Barita Bahalap Narai?

Barita Bahalap Narai?

1. Narai barita bahalap bara Hatalla?

Hatalla handak mangat uras uluh mangkeme pambelum hong bumi. Iye manampa bumi tuntang uras isi awi Iye sinta dengan kalunen. Dia pire hindai, Iye akan malalus gawi uka manenga masa depan je bahalap akan uras uluh. Iye akan manganan uras panyabab kapehe kalunen.​—Mbasa Yeremia 29:11.

Jatunti pamarentahan je ulih manganan kakaras, panyakit, atawa pampatei. Tapi, tege barita bahalap. Dia pire hindai, Hatalla akan manganti uras pamarentahan kalunen dengan pamarentahan-Aie kabuat. Rakyat-Aie akan mangkeme kadamaian tuntang karigas.​—Mbasa Yesaya 25:8; 33:24; Daniel 2:44.

2. Mbuhen barita bahalap te penting tutu?

Kapehe akan terai limbas Hatalla mampalumus uluh papa bara bumi. (Sepanya 2:3) Pea taluh te manjadi? Keadaan wayah tuh je papa tutu tuntang maancam pambelum kalunen jadi iramal Alkitab. Jituh arti dia pire hindai Hatalla akan mampaterai kapehe.​—Mbasa 2 Timoteus 3:1-5.

3. Narai je musti inggawi itah?

Itah musti balajar tahiu Hatalla bara Firman-Aie, Alkitab. Buku jituh kilau ije surat bara bapa je pamasi. Alkitab mamander akan itah kilenampi cara ah mangat pambelum itah wayah tuh labih bahalap tuntang cara ah mandinun pambelum katatahi hong bumi andau harian. Tapi, tau tege uluh je dia rajin amun tege je mandohop Pahari balajar Alkitab. Tapi, sayang tutu amun kesempatan uka mandinun masa depan je bahalap mahalau bewei.​—Mbasa Sewut Salomo 29:25; Pangarinah (Wahyu) 14:6, 7.