Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 3

En kah Barita Bahalap Tuh Puna bara Hatalla?

En kah Barita Bahalap Tuh Puna bara Hatalla?

1. Eweh je Mangarang Alkitab?

Alkitab mangesah barita bahalap tahiu pambelum katatahi hong bumi. (Masmur 37:29) Tege 66 buku huang Alkitab.Hatalla manyuhu 40 biti hatue uka manyurat Alkitab. Lime buku je sulak ah inyurat awi Moses kira-kira 3.500 nyelu je huran. Buku je pangkaharia inyurat awi rasul Yohanes labih bara 1.900 nyelu huran. Pikiran eweh je inyurat awi kare penulis Alkitab? Hatalla manamean pikiran-Aie kan pikiran kare penulis mahalau roh barasih-Aie. (2 Samuel 23:2) Ewen manyurat pikiran Hatalla, beken pikiran ayun ewen kabuat. Jadi, Yehowa je mangarang Alkitab.​—Mbasa 2 Timoteus 3:16; 2 Petrus 1:20, 21.

2. Kilenampi itah tau percaya isi Alkitab dia puji hubah?

Itah percaya Alkitab puna bara Hatalla awi iye maramal masa depan dengan pas tuntang lengkap. Jatunti kalunen je tau mawi kilau te. (Yosua 23:14) Tikas Hatalla je pangkahai je tau nampayah masa depan kalunen dengan bahalap.​—Mbasa Yesaya 42:9; 46:10.

Buku bara Hatalla tuh beken bara uras buku je beken. Miliun Alkitab jadi inyetak huang ratusan bahasa tuntang tayap. Aluh jadi tege bara huran, Alkitab sasuai dengan ilmu pangatawan je jadi tabukti katutu ah. Beken bara te, narai je inyurat awi 40 penulis ah dia hakalawan. * Alkitab kea manyurat tahiu sinta, sifat je utama bara Hatalla. Buku jituh tege kuasa uka tau maubah uluh jadi labih bahalap. Je paling penting, awi Iye je paling hai kuasa, Iye dia akan manalua Firman-Aie hubah. Awi te, jutaan uluh percaya Alkitab Firman bara Hatalla.​—Mbasa Yesaya 40:8; 1 Tesalonika 2:13.

 3. Narai isi Alkitab te?

Alkitab mangesah tahiu masa depan je bahalap akan kalunen. Alkitab mamparahan keadaan bumi je bahalap nihau awi kasalan kalunen je sulak ah tuntang kilenampi keadaan je bahalap te tau haluli hindai.​—Mbasa Pangarinah 21:4, 5.

Alkitab mansanan tahiu hukum, prinsip, tuntang nasehat ah. Beken bara te, Alkitab manyurat cara Hatalla baurusan dengan ulun kalunen, je mamparahan sifat-sifat Hatalla. Awi te, Alkitab tau mandohop Pahari mangasene Hatalla. Buku te kea mamparahan cara ah Pahari tau manjadi sobat-Ah.​—Mbasa Masmur 19:7, 11; Yakobus 2:23; 4:8.

4. Kilenampi Pahari tau mangasene isi Alkitab?

Metuh Yesus tege melai bumi, Iye mambasa ayat tuntang mansanan rima. Jite je inyuntu awi buku tuh.​—Mbasa Lukas 24:27, 45.

Jatunti barita bahalap beken selain bara Hatalla. Metuh Pahari balajar Alkitab tege uluh je mungkin dia rajin, tapi Pahari dia usah mikeh awi amun Pahari mangasene Hatalla Pahari tau mandinun harapan pambelum je katatahi.​—Mbasa Yohanes 17:3.

 

^ par. 3 Payah Buku bagi Semua Orang (Tersedia hong bahasa Indonesia).