Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Manyeneh Auh Hatalla Mangat Belum Katatahie

 BAGIAN 5

Hung Jaman Nuh—Eweh je Manyeneh? Eweh je Dia?

Hung Jaman Nuh—Eweh je Manyeneh? Eweh je Dia?

Tapa are uluh hung jaman Nuh mawi kapapa. Genesis 6:5

Adam tuntang Hawa manak manjaria, utus ewen sasar are huang hunjun petak. Dia tahi limbah te, are kea bara malekat huang surga umba Setan malawan Hatalla.

Ewen muhun akan hunjun petak tuntang manyaluh jadi uluh hatue mangat tau kawin dengan uluh bawi. Anak kawan bawi te manjadi kalunen je panjang hai biti berengh tuntang basiak.

Uras biti huang hujun petak mawi kapapa. Alkitab hamauh, ”Paham toto kapapan kare olon hong hunjun petak, uras tirok itong ewen harajur papa.”

 Nuh manyeneh auh Hatalla tuntang manampa bahtera. Genesis 6:13, 14, 18, 19, 22

Nuh uluh je bahalap. Yehowa mansanan akan Nuh tahiu kahandak Ayue mahapus kalunen je mawi kapapa dengan Danum Soho, atawa banjir hai.

Hatalla kea manyuhu Nuh manampa ije kapal hai, je inyewut bahtera, tuntang mimbit tame sawa, anak-menantu tuntang kea mimbit uras macam metu.

Nuh mampingat uluh tahiu pandumah Danum Soho, tapi ewen dia hakun manyeneh. Tege je manantawe Nuh; je beken bajilek denga.

Metuh Bahtera te jadi, Nuh manamean uras metu.