Faigi nösi

Faigi ba menu sekunder

Samaduhu’ö Yehowa

Nias

Hana Nahia Gowuloa Ndra Samaduhu’ö Yehowa Lö Lafotöi Ia Gereja?

Hana Nahia Gowuloa Ndra Samaduhu’ö Yehowa Lö Lafotöi Ia Gereja?

Bakha ba Zura Ni’amoni’ö, ba li ndrawa Heleni ”gereja” eluahania angowuloa niha samosumange Lowalangi, tenga nahia.

Faigi duma-duma andre: Me ibe’e zurania Faulo ba niha Keriso si so ba Roma, ifa’ohe’ö wangowainia ba zi sambua ngambatö sotöi Werikila ba Akila ba aefa da’ö imane, ”Ba mi’owai gereja andrö yomo khöra.” (Roma 16:5, Contemporary English Version). Faigi atö, tenga omo ma nahiania ni’owa’i Waulo. Hiza’i, ni’owainia ya’ia da’ö niha mazui ira talifusö sangondrasi omo andrö. *

Da’ö mbörö wa lö mafotöi gereja nahia gangowuloama. Hiza’i, mafotöi ia ”Balai Kerajaan”.

Hana wa lafotöi ia ”Balai Kerajaan Saksi-Saksi Yehuwa”?

Tefaudu döi da’ö börö me:

  • Nahia andrö fakhili ira balai pertemuan.

  • Ba da’ö, mafosumange Lowalangi niwa’ö ba Zura Ni’amoni’ö, ya’ia da’ö Yehowa, ba mafaduhu’ö ia.—Zinunö 83:19; Yesaya 43:12.

  • Owulo ndra’aga ba da’ö ba wamaha’ö ya’aga sanandrösa ba Mbanua Lowalangi, sasese itöi-töi Yesu.Matai’o 6;9, 10; 24:14; Luka 4:43.

Mi’ondrasi Balai Kerajaan sahatö ba ba zi so ya’ami ba mifaigi samösa hewisa na owulo ndra Samaduhu’ö Yehowa ba wamosumange Lowalangi.

^ par. 3 So göi ba ayati tanö bö’ö simane I Korindro 16:19; Kolose 4:15; ba Filemo 2.