Faigi nösi

Faigi ba menu sekunder

Samaduhu’ö Yehowa

Nias

Hadia Latema Ira Samaduhu’ö Yehowa Dalu-Dalu Ruma Saki?

Hadia Latema Ira Samaduhu’ö Yehowa Dalu-Dalu Ruma Saki?

Latema ira Samaduhu’ö Yehowa dalu-dalu moroi ba Ruma Saki. Hewa’ae maforege wozago botoma ena’ö lö mofökhö, samuza inötö moguna khöma doto ’same’e dalu-dalu’. (Luka 5:31) Simane Luka, niha Keriso me föna, so göi ba gotalua ndra Samaduhu’ö Yehowa zi tobali doto.—Kolose 4:14.

Hiza’i, so dalu-dalu moroi ba ruma saki si lö tefaudu ba goi-goi Zura Ni’amoni’ö, andrö wa lö matema. Duma-dumania, lö matema transfusi darah börö no iwa’ö ba Zura Ni’amoni’ö wa tebai ta’oguna’ö ndro. (Halöwö Zinenge 15:20) Baero da’ö, lö itehegö Sura Ni’amoni’ö wame’e dalu-dalu mbanua si fao fakelemusa.—Galatia 5:19-21.

Hewa’ae simanö, oya dalu dalu moroi ba ruma saki si lö fatimba ba Zura Ni’amoni’ö. Andrö, ya’ita samösa zofili. Tola manö si samösa Samaduhu’ö Yehowa itema zi sambalö fame’e dalu-dalu ba Samaduhu’ö tanö bö’ö lö latema.—Galatia 6:5.