Faigi nösi

Faigi ba menu sekunder

Samaduhu’ö Yehowa

Nias

Hadia So Game’ela khö Ndra Samaduhu’ö Yehowa?

Hadia So Game’ela khö Ndra Samaduhu’ö Yehowa?

Lö hadöi ame’ela ni’andrö khö ndra Samaduhu’ö Yehowa. Fefu lala halöwöma tefalua moroi ba dolo-tolo si no aohagölö fame’e. Lö irai la tötöi döi zame’e tolo tolo. Hadia sindruhunia zi sambua ni’ofulu andrö, ba hana wa lö hadöi khö ndra Samaduhu’ö Yehowa?

Oroisa ba wame’e si sambua ni’ofulu moroi ba gokhöta zi samösa niha no tesura ba Goroisa Moze nifatunö ba ndraono Gizara’eli. Hiza’i, no ifatunö ba Zura Ni’amoni’ö wa Oroisa Moze—fame’e ame’ela ’si sambua ni’ofulu’—lö sa’ae lafalua da’ö niha Keriso.Heberai’o 7:5, 18; Kolose 2:13, 14.

Andrö wa ame’ela mazui si sambua ni’ofulu lö lafalua ira Samaduhu’ö Yehowa. Hiza’i, ma’o’ö zi dua ngawalö nifalua niha Keriso si föföna ba wolului halöwö fanuriaigö ya’ia da’ö, lö ma’andrö gefe na mafalua halöwö fanuriaigö ba mabe’e dolo-tolo si no aohagölö fame’e.

Da’a dandra wa no mafalua goi-goi si so ba Zura Ni’amoni’ö, ”Balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi.”II Korindro 9:7.