Faigi nösi

Faigi ba menu sekunder

Samaduhu’ö Yehowa

Nias

Hadia Faduhu Dödö Ndra Samaduhu’ö Yehowa khö Yesu?

Hadia Faduhu Dödö Ndra Samaduhu’ö Yehowa khö Yesu?

Faduhu. Faduhu dödöma khö Yesu sanguma’ö, ”Ya’odo lala, ya’odo wa’aduhu, ya’odo wa’auri. Lö sondrugi Ama, na lö itörö ndra’o.” (Yohane 14:6) Mamati ndra’aga wa ba zorugo i’otarai Yesu me möi ia ba gulidanö, ba no ibe’e wa’aurinia so’ahonoa si tobali höli. (Matai’o 20:28) Fa’amate ba femaosonia wa tola lasöndra wa’auri si lö aetu dozi samati khönia. (Yohane 3:16) Mamati göi ndra’aga wa no tobali Razo Yesu ba Mbanua Lowalangi si so ba zorugo, si lö aratö mamohouni fefu ulidanö. (Fama’ele’ö 11:15) Hiza’i, faduhu dödöma ba wehede Yesu me imane, ”No sebua moroi khögu Nama.” (Yohane 14:28) Andrö tenga Yesu nifosumangema, ba lö faduhu dödöma wa ya’ia Lowalangi si Lö Ambö Fa’abölö.