Faigi nösi

Faigi ba menu sekunder

Samaduhu’ö Yehowa

Nias

Hana Lö La’owasaini Gowasa Fasa Ira Samaduhu’ö Yehowa?

Hana Lö La’owasaini Gowasa Fasa Ira Samaduhu’ö Yehowa?

Sifasala niwa’ö-wa’ö niha sato

Mitos: Wa lö la’owasaini Gowasa Fasa ira Samaduhu’ö Yehowa börö me tenga niha Keriso ira.

Sindruhunia: Faduhu dödöma wa Yesu Keriso Zangöhöli ya’aga, ba ma’odödögö ’ba wanara lahenia’.—I Fetero 2:21; Luka 2:11.

Mitos: Lö faduhu dödömi wa no tesusugi Yesu moroi ba wa’amate.

Sindruhunia: Faduhu dödöma wa no tesusugi Yesu; mafaduhu’ö wa ya’ia dane-dane wamati ba niha Keriso ba mafatunö na möiga manuriaigö.—I Korindro 15:3, 4, 12-15.

Mitos: Lö ibe dödömi ndraonomi na larasoi wa’omuso dödö ba wangowasaini Owasa Fasa.

Sindruhunia: Ma’omasi’ö ndraonoma—ma’odödögö wamaha’ö ya’ira ba ena’ö omuso dödöra.—Tito 2:4.

Hana lö la’owasaini Gowasa Fasa ira Samaduhu’ö Yehowa?

  • Fangowasaini Owasa Fasa lö modane-dane ba Zura Ni’amoni’ö.

  • No i’oroisi khöda Yesu ba wanörö tödö fa’amatenia, tenga femaosonia. Mafalua Wanörö Tödö fa’amatenia ero döfi tefaudu simane fangerai sura mbaŵa Zura Ni’amoni’ö.—Luka 22:19, 20.

  • Faduhu dödöma wa fangowasaini Owasa Fasa, moroi ba ritus kesuburan kuno, lö omasi Lowalangi na tafalua da’ö. I’andrö khöda Lowalangi ena’ö tabe’e khönia ’zumange si hasambua soroi ba dödö’, ba lö omasi ia zumange si faruka si ra’iö.—II Moze 20:5; I Razo 18:21.

Faduhu dödöma gangetula nifaluama te’odane-dane ba Zura Ni’amoni’ö, samarou ya’ita wangoguna’ö ’fa’aboto ba dödö ba fangila wetahögö’ tenga tago’ö-go’ö nifalua nawöda niha. (Gamaedola 3:21; Matai’o 15:3) Hewa’ae matutunö na lasofu zifaduhu dödöma sanandrösa ba wangowasaini Owasa Fasa, lö mafaso niha ba gangetula nifaluara.—I Fetero 3:15.