Tenga. Samaduhu’ö Yehowa andrö niha Keriso, hiza’i tenga Protestan. Hadia mbörö?

Agama Protestan andrö ya’ia da’ö ”agama samadaö ba agama Katolik Roma”. Hewa’ae lö fao dödö ndra Samaduhu’ö Yehowa ba nifaha’ö Gereja Katolik, lö ma’otöigö ndra’aga tobali Protestan, börö:

  1. So ösa wamaha’ö ba agama Protestan si lö tefaudu ba Zura Ni’amoni’ö. Duma-dumania, ifaha’ö ita Sura Ni’amoni’ö wa ”ha sa samösa Lowalangi”, tenga Tritunggal mazui Lowalangi sambua tölu. (I Timoteo 2:5; Yohane 14:28) Ifaha’ö ita göi Sura Ni’amoni’ö wa hukuma niha si lö sökhi nibe’e Lowalangi ya’ia da’ö fa’amate si lö aetu, tenga alitö narako.Zinunö 37:9; II Tesalonika 1:9.

  2. Lö masalakö Gereja Katolik mazui agama tanö bö’ö ba lö göi mafuli ma’ehaogö ia. Tobali, maturiaigö duria somuso dödö sanandrösa ba Mbanua Lowalangi, ba matolo niha bö’ö ena’ö mamati ira ba duria nifa’emama andrö. (Matai’o 24:14; 28:19, 20) Lö omasiga ma’ehaogö agama bö’ö. Hiza’i omasiga mafaha’ö niha somasi aboto ba dödö zindruhu sanandrösa khö Lowalangi hegöi ba Daromalinia, Sura Ni’amoni’ö.Kolose 1:9, 10; II Timoteo 2:24, 25.