Faigi nösi

Samaduhu’ö Yehowa

Fili li Nias

Hadia Nifotöi Boto Solohe Ndra Samaduhu’ö Yehowa?

Hadia Nifotöi Boto Solohe Ndra Samaduhu’ö Yehowa?

Boto Solohe ya’ia da’ö sambua ngawawa niha Keriso si lö atoto, si no to’ölö ba wame’e fanuturu lala khö ndra Samaduhu’ö Yehowa ba zi sagörö ulidanö. So dombua halöwöra ya’ia da’ö:

  • Mamaigi-maigi fama’anö ba wohenaigö fanuturu lala moroi ba Zura Ni’amoni’ö si so ba publikasi, ba gangowuloa, hegöi ba zekola khö ndra Samaduhu’ö Yehowa.Luka 12:42.

  • Mamaigi-maigi halöwö nifalua ndra Samaduhu’ö Yehowa ba zi sagörö ulidanö, simane labe’e wanuturu lala sanandrösa ba halöwö fanuriaigö hegöi ba wamaigi-maigi fangoguna’ö dolo-tolo si no aoha gölö fame’e.

La’o’ö duma-duma moroi khö ndra ’sinenge hegöi satua, ba Yeruzalema’ me döfi si föföna ira Boto Solohe ba wanga’i angetula soguna ba mbanua niha Keriso. (Halöwö Zinenge 15:2) Hulö simane ndra sinenge hegöi ira satua andrö, tenga anggota Boto Solohe zi tobali högö ba organisasima. Aboto ba dödöra niwa’ö Zura Ni’amoni’ö wa ha Yesu Keriso nifataro Yehowa Lowalangi zi tobali Högö ba mbanua niha Keriso.—I Korindro 11:3; Efeso 5:23.

Haniha manö anggota Boto Solohe andrö?

I’otarai me baŵa si Tölu 2016, anggota Boto Solohe ya’ia da’ö Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, ba David Splane. Mohalöwö ira ba gödo sebua si so ba Brooklyn, New York, AS.

Hewisa wohalöwö Boto Solohe?

So önö panitia nifasindro Boto Solohe ba wamaigi-maigi halöwö nifalua. Ero samösa anggota mohalöwö ba zi sambua panitia mazui töra.

  • Panitia Koordinator: Mamaigi-maigi ngawalö zalua so’amakhaita ba huku, bencana alam, famakao si göna khö ndra anggotama börö nifaduhusima tödö, hegöi salua tanö bö’ö si tola malua-lua khö ndra Samaduhu’ö Yehowa ba zi lö mudöna-döna.

  • Panitia Personalia: Mamaigi-maigi zi no mutatugöi nibe’e khö anggota nösi nomo Mbeti’eli.

  • Panitia Penerbitan: Mamaigi-maigi halöwö percetakan ba fama’ohe’ö mbuku si te’odane-dane moroi ba Zura Ni’amoni’ö, famazökhi nahia gorahua, gödo famo’eluaha, hegöi ngawalö gama-gama gödo ndraha.

  • Panitia Dinas: Mamaigi-maigi halöwö fanuriaigö ba wangombakha ”Mbanua Lowalangi andrö, turia somuso dödö”.—Matai’o 24:14.

  • Panitia Pengajaran: Labe’e wanuturu lala ba wohenaigö gö ba wamati si te’odane-dane moroi ba Zura Ni’amoni’ö nifa’ema ba gangowuloa, ba zekola, hegöi audio ba video.

  • Panitia Penulisan: Labe’e wanuturu lala ba wohenaigö gö ba wamati si te’odane-dane moroi ba Zura Ni’amoni’ö, la’asogö ia göi ba situs Web, hegöi mamaigi-maigi halöwö famo’eluaha.

Baero da’ö, rafe göi Boto Solohe ero migu ba wamatunöisi soguna ba gorahuama. Na rafe Boto Solohe, la’alui wanuturu lala moroi ba Zura Ni’amoni’ö, ba la’o’ö niwa’ö geheha Lowalangi ena’ö fefu anggota lasöndra wahasara dödö ba wangai angetula.—Halöwö Zinenge 15:25.

Haniha manö asisten Boto Solohe andrö?

Ya’ira andrö niha Keriso si tola mufaduhusi tödö ba latolo panitia nifazökhi Boto Solohe. (I Korindro 4:2) Ya’ira andrö no to’ölö ba so khöra wa’atua-tua ba wanolo panitia andrö, ba la’ondrasi göi rafe nifalua ero migu. Hewa’ae lö fao ira ba wanga’i angetula, hiza’i tola labe’e mbua gera-erara. La’o’ö göi gangetula nihalö ndra panitia, ba lafaigi-faigi wa’atedou hegöi mbua gangetula zi no lahonogöigö. Tola göi ifatenge ira Boto Solohe ba wamaigi ndra talifusöma si so ba ngawalö soi mazui fao ira simane ba pertemuan tahunan hegöi wisuda Gilead.

TÖI NDRA ASISTEN

Panitia

Töi

Koordinator

  • John Ekrann

 

Personalia

  • Gerald Grizzle

  • Patrick LaFranca

  • Daniel Molchan

  • Ralph Walls

 

Penerbitan

  • Don Adams

  • Robert Butler

  • Harold Corkern

  • Donald Gordon

  • Robert Luccioni

  • Alex Reinmueller

  • David Sinclair

 

Dinas

  • Gary Breaux

  • Joel Dellinger

  • Seth Hyatt

  • Christopher Mavor

  • Baltasar Perla Jr.

  • William Turner Jr.

  • Leon Weaver Jr.

 

Pengajaran

  • Ronald Curzan

  • Kenneth Flodin

  • William Malenfant

  • Mark Noumair

  • David Schafer

 

Penulisan

  • Robert Ciranko

  • James Mantz

  • Izak Marais

  • Gene Smalley

  • Hermanus van Selm