Faigi nösi

Faigi ba gangolifa

Samaduhu’ö Yehowa

Fili li Nias

 TUHO SI OFÖNA | SURA NI’AMONI’Ö—BUKU SANAU ÖLÖ

Hadia Mbörö Wa’anau Gölö Zura Ni’amoni’ö

Hadia Mbörö Wa’anau Gölö Zura Ni’amoni’ö

Börö me anau gölö Zura Ni’amoni’ö, andrö wa irugi iada’a tola ö’okhögö ba öbaso ia. Ba me inötö öfili Zura Ni’amoni’ö si sökhi famo’eluaha, tola faduhu dödöu wa nibasou hewa’ae ha nisali ia tola nifaduhusi tödö, tefaudu ba naskah si föföna. * Hiza’i, hewisa wa tola so Zura Ni’amoni’ö irugi iada’a hewa’ae tekiko börö wa’ara, so zamadaö, la’odödögö wobulö’ö ösinia, ba asese si fao waö-waö sahöli-höli dödö? Hadia mbörö wa tohude mbuku andre?

”Iada’a faduhu dödögu wa Sura Ni’amoni’ö ni’okhögögu no buala moroi khö Lowalangi”

Ato nifaha’ö ba Zura Ni’amoni’ö fao dödöra ba zi no isura Faulo andre wa, ”Fefu nösi zura andrö, ba eheha Lowalangi zame’e ba dödö niha.” (II Timoteo 3:16) Faduhu dödöra wa Sura Ni’amoni’ö so irugi ia’da’a börö me Wehede Lowalingi ia andrö wa tohude ba no irorogö Lowalangi ena’ö mbuku andre so irugi iada’a. Faizal, nitutunö moroi furi, ba gafuriatania ihalö gangetula ba wamahaö ya’ia samosa ba wamareso wehede andrö. Ahöli dödönia ba zi no isöndra. Awena aboto ba dödönia wa famaha’ö si so ba gosali lö tefaudu ba nösi Zura Ni’amoni’ö. Aefa da’ö, irugi dödönia hadia zi no ifabu’u Lowalangi si so ba Zura Ni’amoni’ö sanandrösa ba gulidanö ba zi so föna.

Imane wanguma’ö, ”Iada’a faduhu dödögu wa Sura Ni’amoni’ö ni’okhögögu no buala moroi khö Lowalangi. Na tola iwöwöi mbanua si yawa awö danö Lowalangi, tatu manö so khönia wa’abölö ba wame’e khöda si sambua buku ba irorogö mbuku andrö ena’ö lö tekiko. Na ta’ositengagö da’ö ba no aombö dödöda ba wa’abölö Lowalangi. Hana haniha ita andre?”—Yesaya 40:8.

^ par. 3 Faigi ba duho ”Bagaimana Memilih Terjemahan Alkitab yang Baik?” ba majalah simane da’a me 1 baŵa si Lima 2008.