Tefarou dödö niha Yahudi si no mu’oloi’ö ba gangilata Hezekieli sanandrösa ba gosali börö me da’ö zame’e khöra dötönafö wa hasambalö tebohouni wamosumange satulö. Ba götö safuria andre, famosumange satulö tobali ”fondrege zalawa hili, yawa hili-hili andrö fefu”, ba no tefarahu ita ba gotalua fefu soi samalua da’ö. (Yes 2:2) Hadia asese ö’angeraigö wa’atohude ni’okhögömö börö me ö’ila ba öfosumange Yehowa?

HOWU-HOWU MOROI BA WAMOSUMANGE SATULÖ:

  • Fahöna gö ba wamati same’e fanema li moroi ba wanofu-nofu si tohude ba wa’auri, goi-goi si sökhi ba wa’auri, hegöi dötönafö si no tatu.​—Yes 48:17, 18; 65:13; Rom 15:4

  • Fa’omasi ba gotalua wa’afatalifusöta ba zi sagörö ulidanö.​—Zin 133:1; Yoh 13:35

  • Möi fangomusoi’ö dödö halöwö si tohude tobali si falulu fohalöwö khö Lowalangi.​—Hal 20:35; IKor 3:9

  • ”Fa’ohahau dödö andrö, khö Lowalangi” möi fangaro’öda sagötö so wanandraigö.​—Fil 4:6, 7

  • Tödö si lö sinegu.​—IITim 1:3

  • ’Fahuwusa saro khö Yehowa.’​—Zin 25:14

Hadia lala si tola ufalua ba wangoroma’ö wa u’ame’egö tödö wamosumange satulö?