Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Siwa 2016

 FA’AURI NIHA KERISO

Si Tebai Tafalua ba Ginötö Tafaha’ö Zura Ni’amoni’ö

Si Tebai Tafalua ba Ginötö Tafaha’ö Zura Ni’amoni’ö
FAIGI
Text
Image

Talafo Oya Fahuhuo: Böi ömane tödöu wa ya’ugö zanutunö fefu hadia ia. I’oguna’ö wanofu Yesu ba wanolo niha ba wangera-ngera hegöi ba wangai rahu-rahu si tefaudu. (Mat 17:24-27) Na tabe’e wanofu, tola sökhi wamaha’ö ba tola ö’ila hadia zi no aboto ba dödönia hegöi hadia nifaduhusinia tödö. (be-IN 253 ¶2-3) Ba ginötö tabe’e wanofu, baloi wanema li moroi khönia. Na ibe’e wanema li si fasala, böi anemai’ö fatunö wanema li satulö. Be’e wanofu gonönöta ba wanolo ya’ia wangai rahu-rahu si tefaudu. (be-IN 238 ¶2-3) Böi ta’alio-lio’ö fahuhuo, ta’odaligö fa’atua-tua niha nifaha’öda ena’ö aboto ba dödönia duho nifa’emada—be-IN 230 ¶4.

Öbe’e Abua Wamaha’ö: Böi tutunö fefu ngawalö ni’ilamö sanandrösa ba duho da’ö. (Yoh 16:12) Osambua’ö wangera-ngeramö ba duho si föföna ba ngenoli da’ö. (be-IN 226 ¶4–227 ¶1) Na özara-zara sibai wanutunö, hewa’ae sökhi da’ö, hiza’i tola manö taya duho si föföna. (be-IN 235 ¶3) Na no aboto ba dödönia duho si föföna, tohugö ba ngenoli aefa da’ö.

Ha Asala Tabe’e Wamaha’ö: Gohitö dödöda ena’ö tofakha ba dödöra hadia nifaha’öda, tenga ha asala tafa’ema manö. (Luk 24:32) Oguna’ö wa’abölö Daromali Lowalangi ba wangosambua’ö fangera-ngera ba ayati-ayati sanandrösa ba duho da’ö. (IIKor 10:4; Heb 4:12; be-IN 144 ¶1-3) Oguna’ö gamaedola saoha mu’ila eluaha. (be-IN 245 ¶2-4) Fatimbaisi hewisa wa’abua nitaögö niha nifaha’ömö ba hadia nifaduhusunia tödö, aefa da’ö faudugö wamaha’ömö ba zoguna khönia. Be’e wanofu simane, ”Hewisa molo’ö ya’ugö ba wamaha’ö andre?” ”Moroi ba wamaha’ö da’a, hadia wamaha’ö si tola tahalö sanandrösa khö Yehowa?” ”Molo’ö ya’ugö, hadia gunania na tafalua mene-mene da’a?”be-IN 238 ¶4-6; 259 ¶1.