Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Önö 2017

 FA’AURI NIHA KERISO

Hawa’aro Wamatimö ba zi No Ifabu’u Yehowa?

Hawa’aro Wamatimö ba zi No Ifabu’u Yehowa?

Lafaduhu’ö ira Yosua hegöi Zelomo wa sambua lö si lö alua hadia zi no ifabu’u Yehowa. (Yos 23:14; IRaz 8:56) Fa’afaduhu dödö nibe’e zi darua niha si tola tafaduhusi tödö andre, tola monönö wa’aro wamatida.​—IIKor 13:1; Tit 1:2.

Hewisa wamalua Yehowa zi no ifabu’u ba götö Yosua? Faigi video ”Tidak Satu Kata Pun yang Tidak Ditepati” si fao ösi nomomö. Aefa da’ö, be’e wanema li ba wanofu-nofu da’a: (1) Hewisa wolo’ömö wamati Rakhaba? (Heb 11:31; Yak 2:24-26) (2) Hewisa duma-duma Akhano ba wangoroma’ö wa tola te’asogö gabula dödö na lö folo’ö? (3) Hewa’ae saradadu ndraono Gibeona, hana wa lalimo Yosua ba mangatulö ira ba ndraono Gizara’eli? (4) Hewisa wa sindruhu-ndruhu alua niwa’ö Yehowa me so dalima razo niha Gamori sameta’u ndraono Gizara’eli? (Yos 10:5-14) (5) Hewisa wanolo Yehowa ndra’ugö na ö’ofönai’ö wangalui Mbanua Lowalangi awö wa’atulönia ba wa’aurimö?​—Mat 6:33.

Na ta’angerönusi fefu zi no ifalua Yehowa, he nifaluania iada’a hegöi ba zi so miföna, tola itugu aro wamatida ba zi no ifabu’u.​—Rom 8:31, 32.

Hadia ö’okhögö wamati simane Yosua?