Haniha nitema’öda? Fefu niha zangondrasi angowuloada, he niha sawena möi hegöi si fahuwu khöda ba zilalö. (Rom 15:7; Heb 13:2) Tola manö ya’ira andre ira talifusöda moroi ba soi bö’ö mazui niha Keriso si no mamöhöli halöwö ba wamati ba zi hauga fakhe silalö ba ifuli i’ondrasi gangowuloada. Khalaigö hewisa dödöu na ya’ugö da’ö. Tatu ö’andrö sibai saohagölö na latema’ö ndra’ugö si fao fa’owua-wua dödö. (Mat 7:12) Börö da’ö, dataforege wamalukhaisi hegöi wanema’ö niha sangondrasi Balai Mbanua Lowalangi fatua lö mubörögö hegöi na no awai gangowuloa. Da’a zanga’asogö fa’owua-wua dödö, fa’omasi, ba möi famosumange Yehowa. (Mat 5:16) Tatu manö, lö fakhamö fahuhuo ita fefu ba niha sangondrasi. Hewa’ae simanö, na taforege ba wamalua ya’ia, tola owua-wua dödö niha sangondrasi. *

Tatu manö, ero inötö tatema’ö niha si fao fa’owua-wua dödö, tenga ha na inötö Fanörö Tödö. Na la’ila ba larasoi niha sawena möi hewisa wa’omasi ni’okhögö niha Keriso, tola tefarou dödöra ba wanuno Lowalangi ba fao ira khöda ba wamosumange ya’ia.​—Yoh 13:35.

^ par. 3 No ibe’e nola-ola goi-goi Zura Ni’amoni’ö ba wariawösa ba niha si no mu’efasi ba mbanua niha Keriso mazui ba niha sangaröu’ö ya’ia, si möi mangondrasi angowuloada.​—IKor 5:11; IIYoh 10.