Me so Waulo hegöi Sila ba gurunga, lasuno Lowalangi faoma sinunö. (Hal 16:25) Me götö Nazi ba Jerman, niha Keriso si so ba kamp konsentrasi Sachsenhausen hegöi ba nahia wanibo’ö ba Siberia, la’anunöisi zinunö Mbanua Lowalangi. Duma-duma da’a zangoroma’ö wa sinunö, tola möi fangaro’ö niha Keriso sanaögö fanandraigö.

Ba zi lö aratö, tefa’anö mbuku zinunö si bohou ba ngawalö li. Ba li Indonesia tuhonia, ’Bernyanyilah dengan Gembira’ bagi Yehuwa. Na no ta’okhögö ia, tola tafaha’ö ita ba wo’anunöisi ya’ia ba ginötö wamaha’ö zi sambua omo ena’ö tola tatanö ia ba dödöda. (Ef 5:19) Eheha ni’amoni’ö zanolo ya’ita ena’ö tola ifuli itörö tödöda da’ö ba ginötö so gabula dödöda. Sinunö Mbanua Lowalangi möi fanoloda ena’ö ta’osambua’ö dödöda ba dötönafö ni’okhögöda ba zi so miföna. Tola i’aro’ö ita na tataögö wanandraigö. Ba ginötö owua-wua dödöda, ösi zinunö da’ö zamarou tödöda irege tola ta’anunöisi ia si fao ’fa’omuso dödö’. (INga 15:16; Zin 33:1-3) Andrö, datahaogö wangoguna’ö zinunö Mbanua Lowalangi andre!

FAIGI VIDEO SINUNÖ SANGA’ARO’Ö NIHA SI TOBALI SAWUYU, BA BE’E WANEMA LI BA WANOFU-NOFU ANDRE:

  • Hadia zamarou tödö dalifusöda Frost ba wangehaogö sambua sinunö?

  • Hewisa wa möi fangaro’ö ndra talifusöda si so ba kamp konsentrasi Sachsenhausen zinunö da’ö?

  • Ba wa’aurimö si ero ma’ökhö, ba ginötö hadia manö tola möi fangaro’ömö zinunö Mbanua Lowalangi?

  • Hadia zinunö Mbanua Lowalangi somasi ötanö ba dödömö?