Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Öfa 2017

 FA’AURI NIHA KERISO

Tola Ötolo Niha Keriso si No Mamöhöli Halöwö ba Wamati

Tola Ötolo Niha Keriso si No Mamöhöli Halöwö ba Wamati

Ero röfi, ato niha Keriso si no mamöhöli halöwö ba wamati sangondrasi Fanörö Tödö. Ba wamobörö, fagohi ira ba wangokhögö fa’auri si lö aetu. Hiza’i, oya ngawalö zalua irege labato da’ö, ba so ösa moroi ba da’ö nitutunö ba brosur Kembalilah kepada Yehuwa. (Heb 12:1) Hewa’ae no labato wamalua halöwö ba wamati, hasambalö i’omasi’ö ira Yehowa ba no i’öli ira do Nononia andrö. (Hal 20:28; IFet 1:18, 19) Hewisa wanoloda ya’ira ena’ö lafuli ira ba mbanua niha Keriso?

Ira satua sokubaloi ba mbanua niha Keriso, la’odödögö ba wangalui hegöi ba wanolo niha si no mamöhöli halöwö ba wamati, hulö simane gubalo sangodödögö ba wangalui mbiri-biri si no aröu ba mbiri-biri bö’ö. (Luk 15:4-7) Da’a dandra wa’omasi moroi khö Yehowa. (Yer 23:3, 4) Fefu ita tola göi tatolo ira, tenga ha ira satua sokubaloi manö. Na taforege ba wangoroma’ö fa’ebua dödö ba na tarasoi hadia nirasoira, tola omuso dödö Yehowa ba oya mbua si tola tatema. (Gamd 19:17; Hal 20:35) Andrö, haogö angeraigö haniha zi tola ötolo ba falua da’ö!

FAIGI VIDEO TOLO NIHA SI NO MAMÖHÖLI HALÖWÖ BA WAMATI, BA TUTUNÖ WANOFU-NOFU ANDRE:

  • Hadia nifalua Abbey me falukha ia khö zi samösa Samaduhu’ö si lö i’ila?

  • Hana wa moguna manofu ita khö ndra satua sokubaloi na omasi ita tatolo niha si no mamöhöli halöwö ba wamati?

  • Hadia wama’anö nifalua Abbey fatua lö ifuli ifalukhaisi Laura?

  • Hewisa wangoroma’ö Abbey wa’ebolo dödö, fa’anau gölö, ba fa’omasi ba ginötö itolo Laura?

  • Hadia wamaha’ö si tola tahalö ba duma-duma nibe’e Yesu si so ba Luka 15:8-10?

  • Hadia mbuania me la’odödögö ba wanolo Laura?