Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Fulu 2017

 FA’AURI NIHA KERISO

Oguna’ö Wa’auri ba Wamolakhömi Yehowa!

Oguna’ö Wa’auri ba Wamolakhömi Yehowa!

Fa’auri andre no sambua buala fondrege zi sökhi. Tola taforoma’ö wa ta’ame’egö tödö mbuala andre ba lala wangoguna’öda ya’ia ero ma’ökhö. Ya’ita Samaduhu’ö Yehowa, taforege wangoguna’ö fa’atua-tua hegöi fa’abölöda ba wamosumange hegöi ba wamolakhömi Yehowa, Same’e Fa’auri. (Zin 36:10; Fam 4:11) Hiza’i, fa’aombö dödö ba wa’auri ba gulidanö si lö sökhi andre, tola möi fondrönisida ena’ö lö ta’ofönai’ö halöwö ba wamati. (Mrk 4:18, 19) Moguna tasofu khöda samösa: ’Hadia sindruhu-ndruhu no ube’e zabölö sökhi khö Yehowa? (Hos 14:3) Hewisa halöwögu mazui ohitö dödögu molua-lua ia ba lala wamosumangegu Yehowa? Hadia zi tobali ohitö dödögu ba wamati? Hewisa ena’ö tedou halöwögu ba wamati?’ Na so zinangea öbulö’ö, andrö wanolo moroi khö Yehowa ba falua wombulö’ö si tefaudu. Böi so khöu wa’aombö dödö, tola örasoi wa’ahono dödö hegöi fa’omuso dödö na öfosumange Yehowa ero ma’ökhö!​—Zin 61:9.

Ha’ökhö öbe’e wa’atua-tuamö?

FAIGI VIDEO OGUNA’Ö WA’ATUA-TUAMÖ KHÖ YEHOWA, BA BE’E WANEMA LI BA WANOFU-NOFU DA’A:

  • Hana wa lö tefaudu na ö’oguna’ö wa’atua-tuamö ba gulidanö nifatörö Zatana? (IYoh 2:17)

  • Hadia howu-howu nitema niha same’e sabölö sökhi khö Yehowa?

  • Hewisa wangoguna’ömö fa’atua-tua hegöi nekhe-nekhe dangamö ba halöwö ba wamati?