Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Fulu 2016

 FA’AURI NIHA KERISO

Hadia Öhaogö Wangoguna’ö Kartu Kontak JW.ORG?

Hadia Öhaogö Wangoguna’ö Kartu Kontak JW.ORG?

Börö me no itugu ahatö wamakao sabölö-bölö, moguna sibai halöwö fanuriaigöda. (Gamd 24:11, 12, 20) Ba wanolo niha, tola ta’oguna’ö kartu kontak ena’ö aboto ba dödöra Daromali Lowalangi hegöi situs Web-da. Ba kartu andrö, so kode si tola la-scan ba wamaigi video Hana Wa Moguna Tafaha’ö Ita ba Zura Ni’amoni’ö? hegöi ena’ö la’ila danö bö’ö nasa mazui lafaha’ö ira ba Zura Ni’amoni’ö. So zi lö omasi manema mbukuda, hiza’i omasi ira ba wamokai situs Web-da. Böi aombö dödöu ba wame’e kartu kontak khöra. Hiza’i, böi röi kartu andre ba niha si lö adöni tödö.

Ba wohalöwöda ero ma’ökhö, tola ömane wanguma’ö ba wondrönisi dödö niha, ”So zomasido ube’e khömö, ba kartu da’a so situs Web sohenaigö wamaha’ö si lö mu’andrö mböli hegöi video ba ngawalö duho.” (Yoh 4:7) Börö me no ide-ide kartu andre, böi ha sambua ö’ohe ba tola öbe’e ba niha ero inötö.