Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Felezara 2017

 FA’AURI NIHA KERISO

Böi Förö ba Falua Halöwö ba Wamati ba Ginötö Tebulö Zalua ba Waaurimö

Böi Förö ba Falua Halöwö ba Wamati ba Ginötö Tebulö Zalua ba Waaurimö

Asese tebulö zalua ba wa’auri mendrua manö ba götö safuria andre. (1Kor 7:31) Hewa’ae alua ia ba ginötö si no mudöna-döna mazui lö’ö, ba hewa’ae sökhi mazui lö’ö, fa’atebulö andre tola tobali daha-taha ba wamosumangeda Yehowa ba itugu awuwu wahuwusada khönia. Hadia zanolo ya’ita ena’ö lö mörö ba tafalua halöwö ba wamati hewa’ae tebulö zalua ba wa’aurida? Faigi video Lö Tebulö Aro ba Wamati Hewa’ae Findra, ba be’e wanema li ba wanofu-nofu da’a:

  • Hadia mene-mene nibe’e samösa dalifusöda ira matua khö zi samösa ama?

  • Hewisa wamalua nösi nomo andrö goi-goi si so ba Matai’o 7:25 ba zalua khöra?

  • Hadia manö nifa’anö nösi nomo andrö me findra ira ba hewisa wa möi fanolora da’ö?

  • Hewisa nösi nomo andrö wamaudugö fa’aurira ba mbanua niha Keriso hegöi ba nahia wanuriaigö si bohou?

Hadia wa’atebulö sebua salua ba wa’aurigu barö-barö da’a?

Hewisa wamaluagu goi-goi si so ba video da’a ba zalua khögu?