Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Felendrua 2017

 FAʼAURI NIHA KERISO

Enaʼö Onekhe Ita ba Wanuriaigö​—⁠Tafalukhaisi Fefu Niha si So ba Mbanuada

Enaʼö Onekhe Ita ba Wanuriaigö​—⁠Tafalukhaisi Fefu Niha si So ba Mbanuada

HANA WA MOGUNA: Ifaʼeleʼö Zakharia wa niha moroi ba ngawalö li hegöi soi latemaʼö duria somuso dödö si fao faʼomuso dödö. (Zakh 8:23) Hizaʼi, haniha zamahaʼö yaʼira? (Rom 10:13-15) Taʼokhögö noro dödö hegöi halöwö si sökhi ba wamaʼema turia somuso dödö ba niha fefu si so ba mbanuada.​—od-IN 84 ¶10-11.

LALA WAMALUA YAʼIA:

  • Faʼanö. Hadia asese falukhaʼö ba niha sangogunaʼö li böʼö? Tola öʼogunaʼö aplikasi JW Language ba wamahaʼö yaʼugö ba wehede famasao sadogo-dogo. Mazui, ogunaʼö perangkat elektronik si so khömö ba wangoromaʼö khönia lala enaʼö iʼila gangombakhata tanö böʼö ba li niʼogunaʼönia si so ba jw.org

  • Haogö wangogunaʼö inötö. Na manuriaigö ndraʼugö ba nomo-omo, böi lalöi ginötö ba wamalua fanuriaigö. Lau fahuhuo ba niha sanörö lala mazui sombaloi yawa ba moto. Na manuriaigö ndraʼugö ba nahia sato niha, osambuaʼö dödömö ba wanuriaigö

  • Böi alio awuwu. Na lö hadöi niha yomo ba nomo, fuli aeʼe ba daʼö ba ginötö si faböʼö. Forege ba wamalukhaisi niha ero sambua omo, te ba ginötö mazui ba ngaluo si faböʼö. So ösa zokhö omo te ha ba zura, telefo mazui ba wanuriaigö ba lala tola fahuhuo ita khöra

  • Fuli falukhaisi. Fuli falukhaisi ba waʼalio niha sadöni tödö. Na iʼogunaʼö li böʼö, alui zanuriaigö si tola manolo yaʼia ba li niʼogunaʼönia. Böi aetu falukhaisi ia fatua lö nisöndramö sanuriaigö si tola fahuhuo ba linia.​—od-IN 94 ¶39-40

FAIGI VIDEO MANURIAIGÖ ”IRUGI WONDREGE DANÖ”, BA TUTUNÖ WANOFU-NOFU ANDRE:

  • Hadia manö nifaʼanö ndra talifusöda ba weʼamöi manuriaigö ba nahia saröu? (1Kor 9:22, 23)

  • Hadia manö daha-taha nitaögöra?

  • Hadia manö howu-howu nirasoira?

  • Hadia wamorege si tola öfalua ba wamalukhaisi niha si so ba mbanua si toröi yaʼugö?