Imane Yesu, ”Lö nibe’emi böli, ba böi göi mihalö mböli.” (Mat 10:8) Ta’o’ö wanuturu lala da’a. Lö ta’andrö mböli Zura Ni’amoni’ö mazui lektur nibe’eda. (IIKor 2:17) Hiza’i, fefu nösi lektur andre te’odane-dane ba Daromali Lowalangi. Ebua sibai gefe ni’oguna’ö ba wamazökhi hegöi ba wama’ohe’ö lektur ba mbanua niha Keriso ba zi sagörö ulidanö. Börö da’ö, moguna na ha soguna khöda ya’i nihalöda.

Oguna’ö wa’atua-tua na öbe’e lektur ba niha bö’ö, simanö göi na manuriaigö ba nahia sato niha. (Mat 7:6) Moroi na ha asala tabe’e lektur ba niha sanörö lala, sökhi na fahuhuo ita khöra ena’ö ta’ila hadia zadöni dödöra. Hadia tola öbe’e wanema li si lö’ö-lö’önia sambua moroi ba wanofu si so ba kotak? Na lö adöni dödönia, abölö sökhi na ha risalah öbe’e khönia. Tatu manö, na so wanofu-nofunia sanandrösa ba majalah mazui publikasi tanö bö’ö, tola tabe’e khönia mbuku.​—Gamd 3:27, 28.