Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Walu 2016

 FA’AURI NIHA KERISO

Ena’ö Onekhe Ita ba Wanuriaigö—Tolo Niha Nifaha’ö ba Zura Ni’amoni’ö Ena’ö Tedou ba Wamati Irege Falulu Fa’auri Ia ba Tebayagö Idanö

Ena’ö Onekhe Ita ba Wanuriaigö—Tolo Niha Nifaha’ö ba Zura Ni’amoni’ö Ena’ö Tedou ba Wamati Irege Falulu Fa’auri Ia ba Tebayagö Idanö

HANA WA MOGUNA: Ena’ö i’omasi’ö Yehowa, niha nifaha’ö ba Zura Ni’amoni’ö moguna lalulu wa’aurira ba tebayagö idanö. (IFet 3:21) Telumö’ö wamatira na tefaudu lala wa’aurira ba falulu fa’auri ira. (Zin 91:1, 2) Ha khö Yehowa falulu fa’auri niha Keriso—tenga ba niha gulidanö, ba halöwö, mazui ba organisasi. Börö da’ö, niha nifaha’ö andre moguna la’omasi’ö ba lafosumange Lowalangi.—Rom 14:7, 8.

LALA WAMALUA:

  • Me tafaha’ö ia ba Zura Ni’amoni’ö, tutunö wamaha’ö si tola ihalö sanandrösa khö Yehowa. Farou ia wombaso Sura Ni’amoni’ö ero ma’ökhö ba ”böi aetu-aetu” mangandrö khö Yehowa.—ITes 5:17; Yak 4:8

  • Farou ia ena’ö so gohitö dödönia ba wamati irege ilulu wa’aurinia ba tebayagö idanö. Tolo göi ia ba wamalua ohitö dödö si gide-ide, simane fame’e bua gera-era ba gangowuloa mazui manuriaigö ba zi faola omo khönia hegöi ba nawönia wohalöwö. Törö tödöu wa lö ifaso niha Yehowa ba wamosumange ya’ia. Falulu fa’auri no angetula zi samösa niha.VMoze 30:19, 20

  • Farou niha nifaha’ömö ena’ö ifalalini hadia zinangea ifalalini ba wa’aurinia, ena’ö sinangea tebayagö ia idanö ba möi fangomusoi’ö dödö Yehowa. (Gamd 27:11) Tola manö so khönia gamuata si lö tefaudu mazui si to’ölö ia si tebai iröi. Börö da’ö, moguna mutolo ia ena’ö iheta si tohöna andrö ba i’onukha niha si bohou. (Ef 4:22-24) Oroma’ö tuho ”Sura Ni’amoni’ö Zombulö’ö Fa’auri” moroi ba mbuku Manuriaigö

  • Tutunö khönia wa’ohahau dödö nitemamö sagötö öfosumange Yehowa.—Yes 48:17, 18