Ba zi 23 mbaŵa si Tölu, tola manö töra 12 zuta niha sangondrasi Fanörö Tödö fa’amate Yesu. No sambua turia si sökhi da’a, börö me lafa’ema huhuo sahöli-höli dödöda sanandrösa ba höli nibe’e Yehowa awö howu-howunia ba niha gulidanö ba zi so föna! (Yes 11:6-9; 35:5, 6; 65:21-23; Yoh 3:16) Hiza’i, tenga ha sanga’i huhuo zama’ema turia si sökhi ba ginötö wa’owulo andrö. Tola göi tafalua na tatema’ö zawena mangondrasi. (Rom 15:7) Datafaigi hadia zinangea tafalua.

  • Moroi na mudadao’ö manö na no örugi, ba öbalo-baloi hawa’ara mubörögö gangowuloa, abölö sökhi na öfalukhaisi, ötabe, ba ötema’ö zawena möi mazui ira talifusöda si no ara lö möi ba gangowuloa

  • Baero na ha mudadao ndra’ugö ba zinga niha nikaonimö, sökhi na ötema’ö niha si no manema undranga me inötö kampanye. Kaoni ira mudadao ba zingau. Faoma mifake Zura Ni’amoni’öu ba buku zinunöu

  • Na no awai gangowuloa, be’e ginötöu ba niha somasi manofu khöu. Na ambö ginötö börö me so ndra talifusöda tanö bö’ö sangoguna’ö Balai Kerajaan, angeraigö hawa’ara öfuli öfalukhaisi ia. Na lö ö’ila lala hewisa wamalukhaisi ya’ia, sofu khönia, ”Omasido urongo hewisa dödöu ba gangowuloada mege. Hewisa ena’ö tola falukha ita zui?”