Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Tölu 2016

 ENA’Ö ONEKHE ITA BA WANURIAIGÖ

Ena’ö Onekhe Ita ba Wanuriaigö—Fazökhi Wamadumaisi Ni’ilau ba Wame’e Buku Manuriaigö

Ena’ö Onekhe Ita ba Wanuriaigö—Fazökhi Wamadumaisi Ni’ilau ba Wame’e Buku Manuriaigö
FAIGI
Text
Image

HANA WA MOGUNA: Hewa’ae tola itolo ndra’ugö duma-duma wamadumaisi si so ba mbuku waö-waö halöwö ba gangowuloada andre, da’ö ha duma-duma. Baga na ö’oguna’ö wehedeu samösa. Tola ö’oguna’ö lala tanö bö’ö mazui tuho tanö bö’ö sadöni dödö niha ba mbanua si so ya’ugö. Andrö, na no aefa öbaso mbuku Manuriaigö, angeraigö duma-duma wamadumaisi, faigi video wamadumaisi, ba tola ö’oguna’ö mbua gera-era si no musura andre mitou ba wanolo ya’ugö wamazökhi famadumaisi ni’ilau.

LALA WAMALUA YA’IA:

Sofu khöu samösa, ’Hadia u’oguna’ö duma-duma wamadumaisi si no so andrö?’

U’OGUNA’Ö

  • Fa’anö wehede famasao. Na no aefa ö’owai zokhö omo, adogoi’ö wamatunö hana wa ö’ondrasi ia. (Duma-dumania: ”Andrö wa möido ba da’a . . . ”)

  • Haogö angeraigö hadia wanofumö si tola öbokai ayati, irege tola öbe’e khönia mbuku. (Duma-dumania: Ena’ö tola öbokai ayati, ömane khönia, ”So ba ayati da’a wanema li si tefaudu ba wanofu andre.”)

LÖ’Ö

  • Fili duho sadöni dödöu moroi ba mbuku Manuriaigö ba sadöni dödö niha bö’ö

  • Böi be’e wanofu si tebai itema li. Alui wanofu sadöni dödönia ena’ö omasi ia fahuhuo khöda. (Duma-dumania: Fanofu si so ba nga’örö si 2 ba mbuku andrö.)

  • Fili ayati nibasou dania. (Tola öbaso ba Zura Ni’amoni’ö mazui öbaso ayati si no musura ba mbuku andrö si tefaudu ba niha nifalukhaisida. Itaria göi ha ötötöi manö ayatinia.)

  • Halö rahu-rahu ba zi no mifatunö ena’ö i’ila sokhö omo wa so gunania na mubaso mbuku andrö

GOFU HADIA WANEMAU LI

  • Henaigö wanofu nitemau li na öfuli öfalukhaisi ia

  • Sura hadia nifa’emau khönia ena’ö lö olifu ndra’ugö hadia nifa’emau na ifuli falukha ami