Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Tölu 2016

 GIRÖ-GIRÖ SI TOBINI MOROI BA DAROMALI | YOBI 1-5

Lö Faröi Yobi Hewa’ae Göna Ia Fanandraigö

Lö Faröi Yobi Hewa’ae Göna Ia Fanandraigö

Ba danö Usi toröi Yobi me te’osawuyu ndraono Gizara’eli ba danö Miserai. Hewa’ae tenga iraono Gizara’eli Yobi, ba lö faröi ia ba wamosumange Yehowa. Ato zi fahatö khönia, ebua gokhötania, ba nifosumange ia ba mbanuania. Sanuturu lala si sökhi ia ba sanguhuku satulö. Oböwö ia ba niha si numana hegöi ba niha so’amböta. Yobi andre niha saro ba wamati.

Iforoma’ö Yobi wa Yehowa zabölö moguna ba wa’aurinia

1:8-11, 22; 2:2-5

  • I’ila Satana wa aro wamati Yobi, ba i’akui wolo’ö Yobi khö Yehowa; hiza’i, molo’ö Satana so geluaha wa lö faröi Yobi

  • Molo’ö Satana, börö wangalui tana khönia wa ifosumange Yehowa Yobi

  • Ba wangoroma’ö wa faya niwa’ö Zatana, andrö itehegö khönia Yehowa ba wamakao niha si lö faröi andrö. Ba ifalala Satana wame’e famakao ba wa’auri Yobi

  • Me no oroma wa lö faröi Yobi, imane zui Satana wa mo’eluaha ba niha wa lafosumange Lowalangi

  • Lö fasala Yobi ba lö iböbögö zi lö duhu khö Lowalangi ba wamalua si lö atulö