Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Önö 2016

 FA’AURI NIHA KERISO

Ena’ö Onekhe Ita ba Wanuriaigö—Oguna’ö Video ba Wamaha’ö

Ena’ö Onekhe Ita ba Wanuriaigö—Oguna’ö Video ba Wamaha’ö

HANA WA MOGUNA:

Tola fagöna ba dödö niha na mufuta video börö me faoma la’ila ba larongo. Da’a zi möi fanolo ba niha ena’ö lö mangoloi wangera-ngerara ba ena’ö lö aefa ba dödöra irugi hawa’ara. No ibe’e Yehowa duma-duma si sökhi ba wangoguna’ö hadia ia ni’ila hörö ba wamaha’ö.—Hal 10:9-16; Fam 1:1.

So video zi tobali onönöta ba wamaha’ö 2 ba 3 moroi ba mbuku Turia Somuso Dödö, ya’ia da’ö video Hadia So Döi Lowalangi?, Haniha Bua Gera-era’ö Daromali Lowalangi Andrö?, ba Hana Faduhu Dödöda Wa Sindruhu Nösi Zura Ni’amoni’ö? So göi video zi tola tobali famarou dödö ba niha ena’ö lafaha’ö ira khöda ba Zura Ni’amoni’ö mazui ena’ö la’ondrasi gangowuloada, ya’ia da’ö video Hana Wa Moguna Tafaha’ö Ita ba Zura Ni’amoni’ö?, Hewisa Halöwö Famaha’ö ba Zura Ni’amoni’ö Nifaluama?, ba Hadia Manö Nifalua ba Nahia Gorahua Mbanua Lowalangi? Video-video saganau andre tola mu’oguna’ö ba wamaha’ö niha nifaha’öda ba Zura Ni’amoni’ö.km-IN 5/13 3.

LALA WAMALUA:

  • Henaigö download video sedöna öforoma’ö ba zokhö omo

  • Fa’anö sambua ma dombua wanofu si so fanema li ba video

  • Faoma mifaigi video

  • Fatunö duho-tuho sadöni dödö

TANDRAIGÖ DA’A:

  • Foroma’ö nga’örö tanö furi si so ba risalah, ba dönia’ö dödönia ba wamaigi kode si tobali fanolo ba wamokai video Hana Wa Moguna Tafaha’ö Ita ba Zura Ni’amoni’ö?

  • Foroma’ö video Hana Faduhu Dödöda Wa Sindruhu Nösi Zura Ni’amoni’ö? ba be’e mbuku Turia Somuso Dödö, tutunö wamaha’ö 3