Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Waö-Waö Halöwö Ba Gangowuloa Fa’auri Ba Fanuriaigö  |  Baŵa si Öfa 2016

 FA’AURI NIHA KERISO

Oguna’ö Risalah ba Wamörögö Huhuo

Oguna’ö Risalah ba Wamörögö Huhuo

I’otarai me döfi 2013, fagölö fefu format risalah. So wanofu ba tenga ha sambua wanema linia si so ba nga’örö tanö föna. Tola mu’oguna’ö da’a ba wamörögö huhuo si te’odane-dane ba Zura Ni’amoni’ö. Lö moguna ata’u zokhö omo na fasala wanema li nibe’enia. Tola tahaogö tafili ayati sinangea tabaso ero sambu-sambua risalah ba so duho si tola tafatunöisi khö zokhö omo.

Na tahaogö tafa’ema duho moroi ba Daromali, tola adöni dödö niha ba wamaha’ö ya’ira ba Zura Ni’amoni’ö. Oguna’ö risalah ena’ö tetolo niha ba wamönökhi gö wamatira.Mat 5:6.

LALA WANGOGUNA’Ö FITUR DA’A:

  1. Sofu mbua gera-era zokhö omo hewisa dödönia ba wanofu andrö

  2. Fondro-ndrongo ba suno wanema li nibe’enia

  3. Baso ayati si so ba nga’örö tanö bakha ba sofu mbua gera-erania sanandrösa ba ayati andrö. Na so ginötönia ba wanohugö huhuo, oguna’ö duho fanetenia ”Hadia Tola Tafaduhusi Tödö Niwa’ö Daromali Lowalangi?”

  4. Be’e risalah khönia

  5. Tatugöi ginötö hawa’ara tola öfuli ndra’ugö ena’ö tola mitohugö huhuomi ba mi’oguna’ö mbuku Turia Somuso Dödö