Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Haniha Zamalua Somasi Yehowa ba Ginötö Andre?

 FAMAHA’Ö 19

Haniha Zawuyu Si Lö Faröi Satua-tua?

Haniha Zawuyu Si Lö Faröi Satua-tua?

Fefu ita ta’okhögö wa’ohahau dödö moroi ba gö wamati

Fatua lö mate Yesu, fahuhuo ia khö ndra nifaha’önia si daöfa —Fetero, Yakobo, Yohane, ba Andrea. Me ifa’ele’ö dandra we’asonia dania ba götö safuria, ibe’e zi nofu khöra Yesu sabölö moguna, ”Haniha zawuyu andrö si lö faröi, satua-tua nibe’e zokhö ya’ia barö mbawa zi so yomo khönia ba wame’e göra na inötö wemanga?” (Matai’o 24:3, 45; Mareko 13:3, 4) Ifaduhu’ö khö ndra nifaha’önia Yesu wa ’sokhö’ ya’ira, zamataro niha same’e gö ba wamati ba zolo’ö khönia ba ginötö safuria andre. Haniha zawuyu andre?

Sawuyu andre ya’ia da’ö ngawawa si lö atoto solo’ö khö Yesu nibayoini geheha. ”Sawuyu andre” ni’ila niha ya’ira ya’ia da’ö Satua Sangai Halöwö Zamaduhu’ö Yehowa. Sawuyu andre zame’e gö ba wamati ba ginötönia khö nawöra samosumange Yehowa. Manötöna ndra’aga khö ndra sawuyu si lö faröi andre wa ’labe’e gö wamatima ba ginötönia’.Luka 12:42.

Sawuyu andre la rorogö nösi nomo Lowalangi. (I Timoteo 3:15) Ibe’e noro dödö zawuyu si lö faröi Yesu ba wondrorogö halöwö gangowuloa Yehowa ba gulidanö—simane gödo, nahia Gorahua Mbanua Lowalangi ba tanö bö’önia, la tuturu lala ba halöwö fanuriaigö, ba la’oguna’ö gangowuloa wamaha’ö ya’aga. Börö da’ö, ba wangehenaigö soguna khöma ero na inötö, ”sawuyu si lö faröi satua-tua” la’oguna’ö mbuku ba wame’e gö wamatima ni’oguna’öma ba wanuriaigö ba bagangowuloa ero migu hegöi angowuloa sebua si tölu kali ba zi döfi.

Sawuyu andre lö faröi ba zi duhu ba Zura Ni’amoni’ö hegöi ba halöwöra fanuriaigö turia somuso dödö, ba atua-tua ba wondrorogö okhöta keriso ba gulidanö. (Halöwö Zinenge 10:42) Ifahowu’ö halöwöra Yehowa monönö wa’ato ibönökhi zoguna khöra ba wamati.Yesaya 60:22; 65:13.

  • Haniha nifataro Yesu ba wame’e gö wamati ndra nifaha’önia?

  • Hana wa sawuyu andre la fotöi ira lö faröi ba atua-tua?