Israel

Republik Cheska

Benin

Kepulauan Cayman

Hadia omasi ndra’ugö ö’alui lala ena’ö tedou wa’aboto ba dödöu sanandrösa ba Zura Ni’amoni’ö? Hadia omasi ndra’ugö ö’ila sambua ayati mazui haniha, hezo nahia, mazui fakake nitötöi ba Zura Ni’amoni’ö? Ma no irai ö’angeraigö hewisa Daromali Lowalangi wanolo ya’ita ena’ö tola tataögö na so gabula dödö? Nasimanö, oguna’ö mbuku si so ba Nahia Gorahua Mbanua Lowalangi.

Mangehenaigö buku-buku si tola mu’oguna’ö. Tatu manö wa lö hadöi ahori so khöu fefu mbuku nifazökhi ndra Samaduhu’ö Yehowa ba li ni’ilau. Börö da’ö, no tehenaigö mbuku da’a ba naha mbuku si so ba Nahia Gorahua Mbanua Lowalangi. Tola manö göi so Zura Ni’amoni’ö nifo’eluaha ba li si fabö’ö-bö’ö, buku si so eluaha si sökhi (kamus), ba buku-buku tanö bö’ö sinangea moguna. Tola öfaigi nahia mbuku andrö fatua lö tebörögö ma na no’awai gangowuloa. Na so komputer, tola manö so Watchtower Library ba da’ö. Tola tafaigi mbuku soya sibai ena’ö aoha khöda wangalui ba bawanöndra eluaha zi sambua tuho, ngawua wehede, mazui ayati.

Moguna ba nono zekola Angowuloa Fa’auri ba Fanuriaigö. Tola ö’oguna’ö mbuku si so ba nahia Gorahua Mbanua Lowalangi ba wamazökhi halöwö si no labe’e khöu. Sangonorogö tödö wamaigi-maigi buku andre ya’ia da’ö satua Gangowuloa Fa’auri ba Fanuriaigö. Ihaogö wamaigi na no so mbuku si bohou ba hadia no lahaogö wamöfö’ö. Ya’ia ba mazui samaha’ö ya’ugö ba Zura Ni’amoni’ö zamatunö lala wangoguna’ö buku andrö na so ni’aluimö ena’ö tola ösöndra. Hiza’i, fefu mbuku tebai lafawu’a ba nahiania. Na no awai tafake ba tafuli ba nahiania mege ba tahaogö wamöfö’ö böi ta sura-sura.

Sura Ni’amoni’ö zangombakha ena’ö tola tasöndra ”wangila watahögö Lowalangi”, ta’alui ”simane fangalui girö-girö si no tobini”. (Gamaedola 2:1-5) Buku-buku si so ba Nahia Gorahua Mbanua Lowalangi tola ö’oguna’ö ba wangalui ya’ia.

  • Hadia manö mbuku si no tehenaigö ba Nahia Gorahua Mbanua Lowalangi na so ni’aluida?

  • Haniha zi tola manolo ya’ugö ba wangoguna’ö buku-buku si no tehenaigö andre?