Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Haniha Zamalua Somasi Yehowa ba Ginötö Andre?

 FAMAHA’Ö 18

Hewisa Wanoloma Ira Talifusö si Göna Abula Dödö?

Hewisa Wanoloma Ira Talifusö si Göna Abula Dödö?

Republik Dominika

Jepang

Haiti

Ba ginötö alua gabula dödö simane duru danö, alio ndra Samaduhu’ö Yehowa wo’angeraigö hewisa wame’e fanolo khö ndra talifusö si göna abula dödö. Da’ö zangoroma’ö wa faoma ma’omasi’ö nawöma. (Yohane 13:34, 35; I Yohane 3:17, 18) Hewisa lala wanoloma ya’ira?

Mabe’e gefe. Me alua lofo sabölö-bölö ba Yudaia, niha keriso si föföna ba Gandriokhia lafa’ohe’ö gefe ba wanolo ira talifusöra ba wamati. (Halöwö Zinenge 11:27-30) Simanö göi ndra’aga, na so ndra talifusöma ba soi bö’ö si göna abula dödö, mafa’ohe’ö khöra gefe ena’ö tetolo ira ba zoguna khöra.II Korindro 8:13-15.

Mabe’e wanolo si tefaudu. Ira satua sokubaloi si so ba mbanua si göna abula dödö, la’alui fefu ndra talifusö ba wamaigi na lö hadia ia khöra. Niha nifatenge ba wamasao fanolo lahaogö ba wombagi gö, idanö nibadu, nukha, nahia wemörö ba dalu-dalu si tobali fanolo. Ato ndra talifusö latehegö ginötöra we’amöi ba wame’e fanolo khö ndra talifusö si göna abula dödö, lafazökhi nomo, mazui Nahia Gorahua Mbanua Lowalangi si no tekiko. Lö la’andrö gazira. Börö me so khöma wahasara dödö ba gangowuloa ba to’ölö ndra’aga falulu fohalöwö, andrö alio ba wame’e fanolo. Hewa’ae mabe’e wanolo khö ndra ”talifusöma si sara lala wamati”, matolo göi niha tanö bö’ö ndrohu-ndrohu zi sagu khöma, gofu hadia agamania.Galatia 6:10.

Mabe’e khöra wamarou tödö ba wamati. Si göna abula dödö moguna sibai khöra wondrara dödö. Ba ginötö simane da’ö, marasoi wa’abölö moroi khö Yehowa, ”Lowalangi wondrara dödö”. (II Korindro 1:3, 4) Omasiga madunö-dunö nifabu’u Zura Ni’amoni’ö ba niha saetu fanötöna, mafaduhu’ö khöra ha Famatörö Lowalangi zangeheta fefu ngawalö gabula dödö famakao ba fangarö-ngarö.Fama’ele’ö 21:4.

  • Hana wa’alio ndra Samaduhu’ö Yehowa wame’e fanolo na so zi göna abula dödö?

  • Hadia wondrara dödö si tola mabe’e ba niha si göna abula dödö?