Faigi nösi

Faigi ba gangolifa

Samaduhu’ö Yehowa

Fili li Nias

Hadia Zomasi Lowalangi?

Hadia Zomasi Lowalangi?

Omasi Lowalangi na atulö ita ba ohahau dödöda ba wa’auri si lö aetu ba gulidanö faradaiso sagötö fa’ara!

Ba hiza’i, te’öwaö tödöu, ’Hadia tola alua da’ö?’ Sura Ni’amoni’ö zanguma’ö wa ha Famatörö Lowalangi zamalua da’ö, ba omasi ia na fefu niha lafaha’ö ira sanandrösa ba wamatörönia andrö awö gohitö dödönia ba khöda.Zinunö 37:11, 29; Yesaya 9:7.

Omasi Lowalangi na ta’okhögö howu-howu ba wanuturu lala nibe’enia.

Simane satua, omasi ia na ohahau dödö ndraononia, simanö göi Namada ba zorugo omasi ia na ohahau dödöda sagötö fa’ara. (Yesaya 48:17, 18) No ifabu’u wa niha ”solo’ö somasi Lowalangi lö tebulö irugi zi lö aetu”.I Yohane 2:17.

Omasi Lowalangi na tatörö lala andrö khönia.

Sura Ni’amoni’ö zanguma’ö wa omasi Lowalangi na ”ifaha’ö ita ba lala andrö khönia” ena’ö tola tatörö. (Yesaya 2:2, 3) No ifa’anö sambua gangowuloa ”nituyu ba döinia” ba wangombakha ohitö dödönia ba niha ba zi sagörö ulidanö.Halöwö Zinenge 15:14.

Omasi Lowalangi na hasara dödöda ba wamosumange ya’ia.

Sumange satulö khö Yehowa zangosambua’ö niha ba wa’omasi, tenga ba wamabali fangera-ngera. (Yohane 13:35) Haniha ba ginötö andre zamaha’ö lala ena’ö so wahasara dödö ba wamosumange Lowalangi? Alui wanema li ba mbuku andre.