Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Haniha Zamalua Somasi Yehowa ba Ginötö Andre?

 FAMAHA’Ö 8

Hadia Mbörö Wa Mahaogö Wonukha Namöi ba Gangowuloa?

Hadia Mbörö Wa Mahaogö Wonukha Namöi ba Gangowuloa?

Islandia

Meksiko

Guinea-Bissau

Filipina

Hadia no ö’ila ndra Samaduhu’ö Yehowa ba gambara andre? Ha wa’asökhi wonukhara namöi ira ba gangowuloa niha Keriso. Hana wa ma’ame’egö tödö sibai wangehao fonukha andrö?

Ba wangoroma’ö wa ma’ata’ufi Lowalangima. Hewa’ae simanö, tenga fa’asökhi mboto nifaigi Lowalangi. (I Samueli 16:7) Hiza’i, ba ginötö owulo ndra’aga ba wamosumange Lowalangi, omasiga ma’oroma’ö wa ma’ata’ufi Lowalangi ba ma osinangegö nawöma sisara lala wamati. Namöi ita ta’ondrasi samösa zanguhuku ba gödo, tatu manö wa tahaogö wonukhada börö meta’ila alawa fakania. Simanö göi, namöi ndra’aga ba gangowuloa wamosumange Lowalangi, mahaogö wonukhama. Da’ö zangoroma’ö wa ma’ata’ufi ”zanguhuku ulidanö ma’asagörö”, Lowalangi Yehowa, hegöi nahia gangowuloama.I Moze 18:25.

Ba wangoroma’ö angetula si no mahalö ba wa’aurima. Sura Ni’amoni’ö zamarou tödö niha Keriso ba wonukha ”soadu” ba fangera-ngera si sökhi ba sinangea ”ba zangataʼufi Lowalangi”. (I Timoteo 2:9, 10) Fonukha ”soadu” eluahania böi tafake nukha si tobali fango’aya ma soroma-roma ösi. Simanö göi, ”wangera-ngera si sökhi” da’ö zanolo ya’aga ba wofili nukha soadu famaigi, si lö fawuka mazui nukha si lö moadu famaigi. Hewa’ae ma’o’ö goi-goi da’a, oya nasa nukha si tola ma fake. Börö wonukha si sökhi ba soadu, tola ”moturia si sökhi lala Lowalangi sangorifi ya’ita” ba ”tefolakhömi ia”. (Dito 2:10; I Fetero 2:12) Na mafake nukha soadu we’amöi ba gowuloa wamosumange Lowalangi, tedönisi dödö niha ba wamosumange Yehowa.

He na lö hadöi khöu nukha sebua böli, böi aila ndra’ugö we’amöi ba Nahia Gorahua Ndra Samaduhu’ö Yehowa. Tenga ha nukha sebua böli zoadu ba si sökhi famaigi.

  • Hana wa moguna tahaogö wonukha namöi ita wamosumange Lowalangi?

  • Hadia manö goi-goi zanolo ya’ita ba wofili nukha si sökhi ba soadu?