Faigi nösi

Faigi ba gangolifa

Samaduhu’ö Yehowa

Fili li Nias

 FAMAHA’Ö 16

Hadia Halöwö Ndra Enoni?

Hadia Halöwö Ndra Enoni?

Myanmar

Halöwö ba gangowuloa

Owulo ba we’amöi manuriaigö

Fangehaogö Nahia Gorahua Mbanua Lowalangi

Molo’ö Sura Ni’amoni’ö, so dombua faosatö zangai halöwö bakha ba gangowuloa niha Keriso, ya’ia da’ö ”satua ba enoni”. (Filifi 1:1) Si to’ölönia, ero sambua angowuloa so ndra satua sokubaloi so göi ndra enoni. Hadia halöwö nifalua ndra enoni?

Manolo ira satua sokubaloi. Ira enoni he satua he sawuyu-wuyu nasa, ya’ira andre si so fangera-ngera si sökhi ba wamati, abe’e dödöda ira, ba la’onorogö tödö halöwöra. Lö aetu lafalua halöwö soguna ba nono mbanua Lowalangi ba Nahia Gorahua Mbanua Lowalangi. Börö zimanö, ira satua sokubaloi tola la’osambua’ö wangera-ngerara ba halöwö famaha’ö ba fokubaloi ono mbanua Lowalangi.

Oya halöwö nifaluara. So ba gotalua ndra enoni mohalöwö ira ba wotema’ö simöi ba nahia gangowuloa. So göi zohalöwö ba wangebua’ö li, so göi zombagi buku, sololohe kefe, ba sotatugöi hezo mbanua möi ba wanuriaigö. Latolo göi wangehaogö Nahia Gorahua Mbanua Lowalangi. Tola la’andrö khöra ira satua sokubaloi ena’ö latolo niha sagatua. Sinangea na lafosumange genoni börö me no aoha gölöra wamalua halöwö nibeʼe khöra.I Timoteo 3:13.

Labe’e ira duma-duma si sökhi ba niha Keriso. Latuyu genoni andrö börö gamuatara si sökhi. Na inötö lafa’ema huhuo ba gangowuloa niha Keriso, tola aro ndra’aga ba wamati. Börö me no labe’e ira d̀uma-duma ba halöwö fanuriaigö, tefarou göi dödöma. Börö me omasi ira falulu fohalöwö, da’ö zondrou’ö fa’omuso dödöma ba sanga’asogö khöma fahasara dödö. (Efeso 4:16) Samuza inötö, tola göi tobali ira satua sokubaloi.

  • Hewisa ndra talifusö ira matua simöi enoni andrö?

  • Hewisa wa tola fao ira ba wamalua fefu halöwö bakha ba mbanua niha Keriso?