Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Haniha Zamalua Somasi Yehowa ba Ginötö Andre?

 FAMAHA’Ö 5

Hadia zi Tola Ö’okhögö ba We’amöi ba Gangowuloama?

Hadia zi Tola Ö’okhögö ba We’amöi ba Gangowuloama?

Argentina

Sierra Leone

Belgia

Malaysia

Ato niha lö omasi ira möi ba nahia wamatunö taromali börö me lö lasöndra wanuturu lala si sökhi ba fondrara dödö. Nasimanö, hadia mbörö wa ö’ondrasi nahia wamatunö taromali khö ndra niha keriso Samaduhu’ö Yehowa nifotöi ”angowuloa”? Hadia zi tola ö’okhögö ba da’ö?

Omuso dödöda börö me so ita ba gotalua niha si fahuwu ba sebua fa’omasi. Ba götö ndra nifaha’ö Yesu, so gangowuloa niha keriso ero sambua banua, ba owulo ira ba wamosumange Lowalangi, lafaha’ö ira ba Zura Ni’amoni’ö ba faoma lafarou dödö nawöra. (Heberai’o 10:24, 25) Me owulo ira ba gotalua niha sebua fa’omasi, la’ila wa so ira ba gotalua zi fahuwu khöra ya’ia da’ö talifusöra ba wamati. (II Tesalonika 1:3; 3 Yohane 14) Ma’o’ö zimane nifalua niha keriso meföna ba masöndra wa’omuso dödö.

So gunania khöma me no mafaha’ö ndra’aga lala wamalua goi-goi Zura Ni’amoni’ö. Simane ba götö föna, ira matua, ira alawe, hegöi iraono owulo ira ba zi sambua nahia. Ira samaha’ö satua-tua la’oguna’ö Zura Ni’amoni’ö ba wanolo ya’ita wamalua goi-goi Lowalangi ba wa’aurida sero ma’ökhö. (V Moze 31:12; Nehemia 8:8) Manunö ira fefu ba tola labe’e mbua gera-erara zamösana, irege tola lafaduhu’ö wanötönada ya’ita niha keriso.Heberai’o 10:23.

Howu-howu börö me te’aro’ö wamati khö Lowalangi. I’ombakha’ö Faulo khö nono mbanua Lowalangi ba götönia, ”Humulu sa dödögu falukha khömi . . . ena’ö faoma tafarou dödö nawöda ba wamati he ya’ami hegöi ya’o.” (Roma 1:11, 12) Me lö taböhöli we’amöi ba gangowuloa si fao ira talifusöda, da’ö zangabe’e famatida ba tola tahalö gangetula wamalua ba wa’aurida goi-goi Zura Ni’amoni’ö.

Makaoni ami we’amöi ba gangowuloama ba mi’ila samösa hadia gunania. Matema’ö ami soroi ba dödö. Lö mu’andrö gefe-lö hadöi ame’ela.

  • Hezo moroi duma-duma ni’o’öma ba gangowuloa nifaluama?

  • Hadia gunania we’amöi ba gangowuloa niha keriso?