Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Turia Somuso Dödö moroi khö Lowalangi!

 FAMAHA’Ö 15

Hana Wa Moguna ötohugö Wamaha’ö Ya’ugö?

Hana Wa Moguna ötohugö Wamaha’ö Ya’ugö?

1. Hadia gunania na lö öbato wamaha’ö ya’ugö ba Zura Ni’amoni’ö?

Na asese öfadunö-dunö wamaha’ö moroi ba Zura Ni’amoni’ö, tatu manö wa itugu tedou wa’omasiu khö Yehowa. Moguna nasa ödou’ö wa’omasi simanö. (I Fetero 2:2) Na ö’odödögö wamaha’ö ya’ugö ba Zura Ni’amoni’ö ena’ö tobali si fahuwu khö Lowalangi, ba tola ösöndra wa’auri si lö aetu.Baso Yohane 17:3; Yuda 21.

Na lö öböhöli wangalui fa’aboto ba dödö sanandrösa khö Lowalangi, monönö wa’aro wamatiu. Na so khöu wamati, omuso dödö Lowalangi. (Heberai’o 11:1, 6) Famati andrö zango’ou ya’ugö ena’ö so khöu wamalalini era-era ba öfalua zi sökhi ba wa’auriu.Baso Halöwö Zinenge 3:19.

2. Hana wa moguna ba niha bö’ö wa’aboto ba dödö si so khöu?

Tola ö’okhögö wahuwusa sabölö sökhi khö Yehowa

Tatu manö wa’omasi’ö öfatunö ba niha bö’ö zi no aboto ba dödöu. Fefu ita omasi tadunö-dunö duria somuso dödö. Na ötohugö wamaha’ö ya’ugö ba Zura Ni’amoni’ö, aboto ba dödöu hewisa wangoguna’ö Sura Ni’amoni’ö na öfatunö ba niha zi no ö’ila sanandrösa khö Yehowa, ba turia somuso dödö andrö khönia.Baso Roma 10:13-15.

Ato niha sanutunö turia somuso dödö khö ndra si fahuwu khöra. Onekhesi wamalua ya’ia. Böi wa’ö sala agamami andrö. Dunö-dunö manö hadia zi no ifabu’u Lowalangi khöra. Törö tödöu, wa abölö latöngöni gamuata si sökhi moroi ba wehede.Baso II Timoteo 2:24, 25.

3. Hadia wahuwusa si tola ta’okhögö khö Lowalangi?

Na ötohugö wamaha’ö ya’ugö ba Daromali Lowalangi, tola tedou ndra’ugö ba wamati. Ba gafuriatania, aro wahuwusau khö Yehowa. Tobali ndra’ugö okhötania ba ono Lowalangi.Baso II Korindro 6:18.

 4. Hewisa ena’ö itugu tedou ndra’ugö ba wamati?

Tola tedou ndra’ugö ba wamati na lö öbato wamahaö yaugö ba Daromali Lowalangi. (Heberai’o 5:13, 14) Wa’ö fazamösa ndra Samaduhu’ö Yehowa ba wamahaö yaugö moroi ba mbuku Apa yang Sebenarnya Alkitab Ajarkan? (Lö hadöi ba bahasa Nias) Na itugu oya öfaha’ö ndra’ugö ba Daromali Lowalangi, itugu monönö wa ohahau dödöu.Baso Zinunö 1:1-3; 73:27, 28.

Moroi khö Yehowa duria somuso dödö, Lowalangi wa ohahau dödö. Tola tobali ndra’ugö si fahuwu khönia na fariawö ndra’ugö ba nono mbanuania. (Heberai’o 10:24, 25) Na ö’odödögö wangomusoi’ö tödö Yehowa, tola ökhamö wa’auri si ndruhu ya’ia da’ö, fa’auri si lö aetu. Lö hadöi ohitö dödö sabölö sökhi baero wahuwusada khö Lowalangi.Baso I Timoteo 1:11; 6:19.