Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Turia Somuso Dödö moroi khö Lowalangi!

 FAMAHA’Ö 9

Hewisa Lala Ena’ö Ohahau Dödö ba zi Sambua Omo?

Hewisa Lala Ena’ö Ohahau Dödö ba zi Sambua Omo?

1. Hana wa moguna wangowalu si sökhi ena’ö ohahau dödö ba zi sambua omo?

Moroi khö Yehowa duria somuso dödö andrö, Lowalangi sohahau tödö. Omasi ia ena’ö ohahau dödö niha ba zi sambua omo. (I Timoteo 1:11) Ya’ia zamobörö fongambatö. Moguna wangowalu satulö ena’ö ohahau dödöra ba wangebua iraono ba zi sökhi. Moguna lafasura’ö ba la’o’ö goi-goi nibe’e ndra famareta na mangowalu niha keriso.Baso Luka 2:1, 4, 5.

Hewisa wamaigi Lowalangi fangowalu? Omasi ia na fangowalu andrö tobali böbö saro ba sanau ölö ba gotalua zi samösa ira alawe ba samösa ndra matua. Omasi Yehowa na lö faröi zi no mangowalu. (Heberai’o 13:4) Fatuwu ia na fabali zi faronga. (Maleakhi 2:16) Hiza’i, itehegö fabali zifaronga ba tola ifuli mangowalu na fazamösa ba gotaluara mamalua horö.Baso Matai’o 19:3-6, 9.

2. Hewisa zinangeania gamuata ndra alawe ba ira matua khö ngambatönia?

Ifazökhi Yehowa ndra alawe ba ira matua ena’ö faoma latolo nawöra. (I Moze 2:18) Fo’omo ira matua zi tobali högö ba nomo, andrö wa sinangea ya’ia zanga’asogö soguna ba nomo ba ifaha’ö nösi nomonia ba wolo’ö khö Lowalangi. Iforoma’ö wa’omasinia soroi ba dödö khö wo’omonia ira alawe. Faoma la’omasi’ö ba lafosumange nawöra. Börö me lö so’ahonoa ira, andrö wa moguna so khöra wa’ebolo dödö. Da’ö lala ena’ö so wa’ohahau dödö ba zi sambua omo.Baso Efeso 4:31, 32; 5:22-25, 33; I Fetero 3:7.

3. Hadia tola fabali zi no mangowalu na lö khöra fa’ohahau dödö?

Na so gabula dödö ba zi no mangowalu, moguna lafalua gamuata si sökhi ba fa’omasi khö nawöra. (I Korindro 13:4, 5) Lö ifarou ita Taromali Lowalangi wabalisa na so gabula dödö salua ba zi no mangowalu.Baso I Korindro 7:10-13.

 4. Ya’ami iraono, hadia gohitö dödö Lowalangi khömi?

Omasi Yehowa na ohahau dödömi. Ituturu lala si sökhi khömi ena’ö misöndra wa’owua-wua dödö. Omasi ia na mi’o’ö li zatuami börö me oya zi no latörö ba wa’auri andre. (Kolose 3:20) Omasi Lowalangi na ohahau dödömi börö me mifalua zomasi ia.Baso Zangombakha 11:9–12:1; Matai’o 19:13-15; 21:15, 16.

5. Ya’ami satua hadia zoguna ba ndraonomi ena’ö ohahau dödöra?

Moguna la’odödögö wohalöwö ba wombönökhi soguna khöra, ni’a, ni’onukha, ba nahia omo. (I Timoteo 5:8) Ba hiza’i, ena’ö ohahau dödöra, moguna öfahaö ira ba wangomasi’ö Lowalangi ba lafaha’ö ira ba Daromalinia. (Efeso 6:4) Duma-duma nibe’eu khöra ba wangomasi’ö Lowalangi da’ö zango’ou tödöra. Na öfahaö ira ba Daromali Lowalangi da’ö zi tobali famarou dödöra.Baso V Moze 6:4-7; Gamaedola 22:6.

Moguna ba ndraono wehede famarou dödö. Moguna göi öbe’e khöra degu-degu. Famahaö simane da’ö zolumö’ö ya’ira ena’ö lö aekhu ira ba gabula dödö. (Gamaedola 22:15) Hiza’i, böi be’e khöra degu-degu sabölö abe’e ma si tetutu ba dödöra.Baso Kolose 3:21.

Lafazökhi mbuku ira Samaduhu’ö Yehowa soguna ba wanolo satua hegöi iraono. Buku da’a te’odane-dane moroi ba Zura Ni’amoni’ö.Baso Zinunö 19:8, 12.