Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Turia Somuso Dödö moroi khö Lowalangi!

 FAMAHA’Ö 2

Haniha Lowalangi?

Haniha Lowalangi?

1. Hana wa sinangea tafosumange Lowalangi?

Lowalangi si ndruhu ya’ia zamazökhi fefu hadia’ia. Si lö böröta ba amozua. (Zinunö 90:2) Khönia moroi duria si sökhi ba Zura Ni’amoni’ö. (I Timoteo 1:11) Börö me Lowalangi zame’e khöda fa’auri, haya’ia zinangea tafosumange.Baso Fama’ele’ö 4:11.

2. Hadia manö gamuata Lowalangi andrö?

Samösa lö niha sangila Lowalangi börö me ya’ia boto Eheha, eluahania fa’aurinia fabö’ö moroi ba wa’auri niha gulidanö. (Yohane 1:18; 4:24) Aboto ba dödöda gamuata Lowalangi moroi ba nifazökhinia. Duma-dumania, ngawalö mbunga ba bua zinanö zangoroma’ö wa sebua fa’omasi ia ba satua-tua. Famazökhinia banua awö danö da’ö zangoroma’ö fa’abölönia.Baso Roma 1:20.

Na tabaso Zura Ni’amoni’ö awena oya ta’ila gamuata Lowalangi. Duma-dumania Sura Ni’amoni’ö zangombakha khöda hadia zomasi Lowalangi ba hadia zi fatuwu ia, hewisa lagunia ba niha ba hewisa dödönia na so zagalua.Baso Zinunö 103:7-10.

3. Hadia so döi Lowalangi?

He’oya döinia ba halöwö, ba hasambua döinia si ndruhu. I’ombakha’ö khöda döinia, imane wanguma’ö, ”Ya’o Yehowa da’ö döigu.” (Yesaya 42:8) No fabö’ö-bö’ö wanötöi töinia ba zi hawa’oya ngawalö li. Ba li khöda töinia ”Yehowa”. So göi zanötöi ”Yahwe”.Baso Zinunö 83:1983:18.

Töi Lowalangi no laheta ba mbuku Ni’amoni’ö ba la gati simane So’aya ma Lowalangi. Me tesura mbuku Ni’amoni’ö, töi Lowalangi so 7.000 wa’oya. Me ifaha’ö niha Yesu, i’ombakha’ö ha niha döi Lowalangi.Baso Yohane 17:26.

4. Hadia i’omasi’ö ita Yehowa?

Hulö simane satua sebua fa’omasi, simanö göi Lowalangi, si sökhi khöda nifaluania

Börö me’oya ngawalö gabula dödö, hadia lö i’omasi’ö ita Yehowa? Ato niha sanguma’ö na göna ita fanandraigö, moroi khö Lowalangi. Lö atulö da’ö.Baso Yakobo 1:13.

Lö ifaso niha Lowalangi hadia zomasi ira lafalua. Tatu manö ta’andrö saohagölö khönia. (Yosua 24:15) Hiza’i, ato niha zamalua si lö sökhi khö nawönia. Da’ö mbörö wa’oya sibai gabula dödö. Afökhö dödö Yehowa wamaigi si lö atulö andrö.Baso I Moze 6:5, 6.

Yehowa Lowalangi sangomasi’ö ya’ita, omasi ia ena’ö tasöndra wa’auri. Ba zi lö aratö, iheta fefu ngawalö gabula dödö. So mbörö wa itehegö alua wamakao iada’a. Ba numero 8 ba da’ö i’ombakha’ö khöda hadia wanema li.Baso II Fetero 2:9; 3:7, 13.

5. Hewisa lala ena’ö ahatö ita khö Lowalangi?

I’andrö khöda Yehowa ena’ö ahatö ita khönia ba wangandrö. So so sa dödönia ita. (Zinunö 65:3; 145:18) I’efa’ö golalöwada. Omasi ia na tabe’e khönia zumange hewa’ae na asese fasala ita. Tobali, hewa’ae lö mo’ahonoa ita, tola tobali si fahuwu khö Lowalangi ita.Baso Zinunö 103:12-14; Yakobo 4:8.

Börö me Yehowa zomböi fa’aurida, ena’ö ebua wa’omasida ia moroi ba wa’omasida nawöda niha. (Mareko 12:30) Oroma’ö wa’omasiu khö Lowalangi ya’ia da’ö faha’ö ndra’ugö ba Daromalinia ba falua hadia ni’andrönia. Na’öfalua da’ö itugu ahatö ndra’ugö khö Lowalangi.Baso I Timoteo 2:4; I Yohane 5:3.