Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Tola Tobali Ndraʼugö si Fahuwu khö Lowalangi!

 FAMAHAʼÖ 5

Dozi si Fahuwu khö Lowalangi ba Auri Ira ba Waradaiso

Dozi si Fahuwu khö Lowalangi ba Auri Ira ba Waradaiso

Faradaiso andrö ba tenga simane ulidanö si so yaʼita iadaʼa. Lö irai omasi Lowalangi gulidanö andre fahöna noro dödö ba faʼasöndru dödö, faʼabu dödö ba famakao. Ba zi so fönada ibali’ö faradaiso gulidanö andre Lowalangi. Hewisa ia Waradaiso andrö dania? Datafaigi hadia niwa’ö ba Zura Niʼamoni’ö:

Fefu niha si sökhi. Tobali omo ba zi fahuwu khö Lowalangi Waradaiso andrö. Lafalua hadia manö ngawalö zi sökhi ba gotaluara. Laʼo’ö lala satulö andrö khö Lowalangi.​—Gamaedola 2:21.

Fahöna mbalazo. Ba Waradaiso ba lö faʼolofo saʼae. Sura Niʼamoni’ö zanguma’ö, ”Fahöna mbua nowi [ma, balazo] ba danö.”​—Zinunö 72:16.

Omo si sökhi ba halöwö sowua-wua dödö. Ba gulidanö Faradaiso andrö, fefu niha ba so nomora zamösana. Dozi niha ba lalau halöwö si tola mameʼe faʼomuso dödö khöra si lö mamalö-malö.​—Yesaya 65:21-23.

 Faʼatulö ba zi sagörö ulidanö. Lö fasuwöta saʼae ba lö si mate ba wasuwöta. Taromali Lowalangi zanguma’ö, ”[Lowalangi] sanenawa fasuwöta.”​—Zinunö 46:9, 10.

Lö fökhö mboto. Ifabuʼu Sura Niʼamoni’ö, ”Samösa lö ba mbanua [Faradaiso] zanguma’ö, ’Mofökhödo.’” (Yesaya 33:24, Terjemahan Dunia Baru) Ba da’ö göi ba lö hadöi saʼae niha sombuyu-mbuyu, sauʼa, safiso, ba ma si lö hede.​—Yesaya 35:5, 6.

Lö hadöi saʼae famakao, fege-ege, ba faʼamate. Taromali Lowalangi zanguma’ö, ”Ba lö faʼamate saʼae, ba lö faʼabu dödö ba lö fege-ege, ba lö faʼafökhö saʼae, me no numalö ziföföna andrö.”​—Famaʼele’ö 21:4.

Nihori fefu niha si lö sökhi. Ifabuʼu Yehowa, ”Ba nihori ba danö zebua horö andrö, ba nideha zi faröi.”​—Gamaedola 2:22.

Fefu niha ba faoma laʼomasiʼö ba lafosumange nawöra. Lö hadöi saʼae si lö atulö, famakao, somasi anaʼa, ba fatiusa. Fefu niha so wahasara dödö ba laʼo’ö lala satulö andrö khö Lowalangi.​—Yesaya 26:9.