Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Mifaha’ö Ndraonomi

 FAMAHA’Ö 8

Yosia Faoma si Fahuwu Khönia

Yosia Faoma si Fahuwu Khönia

Hadia no irai abua khöu wamalua si sökhi?​— Ato niha zorasoi simane da’ö. Idunö-dunö khöda Sura Ni’amoni’ö waö-waö Yosia, abua sibai khönia wamalua si sökhi. Hiza’i, so zi fahuwu khönia zanolo ya’ia. Databaso waö-waöra.

Yosia andrö ono razo niha Yehuda sotöi Amoni. Lö sökhi gamuata razo Gamoni. Ifosumange nadu. Me mate ia, tobali razo nononia Yosia fangalinia. Awena ŵalu fakhe ia meluo da’ö! Molo’ö ya’ugö, hadia i’o’ö gamuata namania ba wa’alösökhi?​— Lö’ö!

Ifangelama niha sato Zefania ena’ö böi lafosumange nadu

Yosia andrö ono solo’ö li Yehowa i’otarai me’ide-ide ia. Ha ba niha sangomasi’ö Yehowa fahuwu ia. Ba latolo ia si fahuwu khönia ba wamalua si sökhi. Haniha manö zi fahuwu khö Yosia andrö?

Ya’ia da’ö Zefania. Sama’ele’ö göi ia. Asese ifangelama niha ena’ö böi lafosumange nadu, faböi alau ira ba wangala.  Yosia, ifondro-ndrongo niwa’ö Zefania. Yehowa nifosumangenia tenga adu.

Si fahuwu khönia tanö bö’ö ya’ia da’ö Yeremia. Arakhagö fagölö ndröfira, ba fahatö nomora. Fahuwu sibai ira. Me mate Yosia, ihaogö sambua ngenu-ngenu Yeremia ba wanörö tödö nifalua Yosia. Yosia ba Yeremia faoma latolo nawöra ba wamalua si sökhi ba wolo’ö niwa’ö Yehowa.

Yosia ba Yeremia faoma latolo nawöra ba wamalua si sökhi

Hadia zi tola ö’o’ö ba nifalua Yosia?​— Omasi Yosia wolo’ö niwa’ö Yehowa i’otarai wa’ide-idenia. Ha ba niha sangomasi’ö Yehowa fariawö ia. Andrö, fariawö ba niha sangomasi’ö Yehowa ba ba niha sanolo ya’ugö ba wamalua si sökhi!

BASO BA ZURA NI’AMONI’Ö

  • II Nga’ötö 33:21-25; 34:1, 2; 35:25