Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Fondro-ndrongo Li Lowalangi Ena’ö Ösöndra Wa’auri si Lö Aetu

 FAOSATÖ 1

Hewisa Wamondro-ndrongoda Li Lowalangi?

Hewisa Wamondro-ndrongoda Li Lowalangi?

Iʼodela Zura Ni’amoni’ö Lowalangi ba wa huhuosania khöda. II Timoteo 3:16

Si ndruhu-ndruhu wa ituturu lala Lowalangi ba niha sanura bua gere-erania nibe’e bakha ba mbuku ni’amoni’ö. Buku da’ö ya’ia Zura Ni’amoni’ö. Bakha ba mbuku andre, so duria somasi Lowalangi ena’ö ö’ila.

I’ila Lowalangi hadia zi sökhi khöda. Na tafondro-ndrongo linia, ba tedou wa atua-tuada.—Amaedola 1:5.

Omasi Lowalangi na fefu niha ba zi sagörö ulidanö labaso Zura Ni’amoni’ö. Iada’a, oya tesura Zura Ni’amoni’ö ba ngawalö li.

Na omasi’ö öfondro-ndrongo li Lowalangi, lö tola lö’ö, öbaso ena’ö aboto ba dödöu hadia nösi Zura Ni’amoni’ö.

 Ato niha ba mbanua tanö bö’ö, lafaha’ö ira ba Daromali Lowalangi. Matai’o 28:19

Ira Samaduhu’ö Yehowa, tola latolo ndra’ugö ena’ö aboto ba dödöu Daromali Lowalangi.

Ba zi sagörö ulidanö, lafaha’ö niha ba zi ndruhu sanandrösa khö Lowalangi.

Lö moguna öbe’e gefe na omasi’ö ötema wamaha’ö ba daromali. Tola göi öfaha’ö ndra’ugö ba nahia Gorahua ndra Samaduhu’ö Yehowa sahatö ba zi so ya’ugö.