Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Fondro-ndrongo Li Lowalangi Ena’ö Ösöndra Wa’auri si Lö Aetu

 FAOSATÖ 5

Ba Götö Noakhi—Haniha Zamondro-ndrongo Li Lowalangi? Ba Haniha zi Lö’ö?

Ba Götö Noakhi—Haniha Zamondro-ndrongo Li Lowalangi? Ba Haniha zi Lö’ö?

Ato niha ba götö Noakhi lafalua zi lö sökhi. I Moze 6:5

Tumbu ndraono khö ndra Adamo ba Khawa, ba itugu ato niha ba gulidanö. Furi da’ö, ato ndra mala’ika sifao khö Gafökha ba wolawa Lowalangi.

Mö ira ba gulidanö la’oboto nga’eu niha ena’ö tola mangowalu ira ba nono alawe ba gulidanö. Ba mo’ono ndra alawe andrö niha sagamu’i ba niha sagabölö.

Afönu gulidanö niha si lö sökhi. Imane Sura Ni’amoni’ö, ”Ebua sibai zi lö sökhi ba niha gulidanö, wa no si lö sökhi manö gera-erara awö nikhoi dödöra.”

 Ifazökhi nowo Noakhi, i’o’ö niwa’ö Lowalangi khönia. I Moze 6:13, 14, 18, 19, 22

Noakhi andrö niha samati. I’ombakha’ö Yehowa khö Noakhi wa ihori niha si lö sökhi Inönöi danö idanö.

Ifarou Yehowa Noakhi wamazökhi owo sebua, ba i’ohe yawa zoroi yomonia awö ngawalö gurifö.

Ifangelama niha sato Noakhi wa lö aratö anönö danö idanö, tobali, lö faduhu dödöra. So zango’aya Noakhi; ba so göi zi fatuwu khönia.

Me no awai ifazökhi nowo Noakhi, i’ohe yawa fefu ngawalö gurifö.