Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Fondro-ndrongo Li Lowalangi Ena’ö Ösöndra Wa’auri si Lö Aetu

 FAOSATÖ 8

Hadia Geluaha Khöda Wa’amate Yesu?

Hadia Geluaha Khöda Wa’amate Yesu?

Mate Yesu ena’ö tasöndra wa’auri si lö aetu. Yohane 3:16

Tölu ngaluo me no aefa mate Yesu, so ndra alawe si möi mamaigi lewatö ba lö bakha botonia. No isusugi ia Yehowa moroi bangai zimate.

Aefa da’ö iforoma’ö ia Yesu khö ndra nifaha’önia.

No isusugi ia Yehowa tobali boto eheha sabölö ba lö itörö ia fa’amate sa’ae. La’ila ia ira nifaha’önia me manahae ia ba zorugo.

 Lowalangi zanusugi Yesu ena’ö tobali ia Razo ba Mbanua Lowalangi. Danieli 7:13, 14

Mate Yesu ba wangöhöli niha gulidanö. (Matai’o 20:28) Börö höli andrö, nibe’e Lowalangi wa tola tasöndra wa’auri si lö aetu.

Yehowa zamataro Yesu tobali Razo samatörö ba gulidanö. Mamatörö Yesu moroi ba zorugo ba 144.000 nawönia si lö faröi nisusugi moroi ba gulidanö sauri ba zorugo. Famatöröra andrö lafotöi ia Banua Lowalangi.—Fama’ele’ö 14:1-3.

Tobali faradaiso gulidanö andre ba wamatörö Lowalangi dania. Lö fasuwöta, lö fa’alösökhi, lö fa’atosasa, ba lö fa’olofo sa’ae. Fefu niha oi owua-wua dödöra.—Zinunö 145:16.