Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Fahaʼö Ndra’ugö ba Cerita-Cerita Zura Niʼamoniʼö

 FAMAHAʼÖ 36

Zazi Yefita

Zazi Yefita

Laʼerogö zui Yehowa iraono Gizaraʼeli ba lafosumange lowalangi faya. Me lasuwö ira niha Gamoni, tebai itolo ira lowalangira andrö. Latörö wamakao iraono Gizaraʼeli ba zi hauga fakhe. Ba gafuriata lamane khö Yehowa, ’Fasala ndraʼaga. Efaʼö ndraʼaga moroi ba danga zi faʼudu khöma.’ Ladudugö nadura andrö iraono Gizaraʼeli ba lafuli lafosumange Yehowa. Lö omasi Yehowa na tefakao ira saʼae.

Samösa zaradadu sabölö sotöi Yefita nifili ba wondröniaʼö iraono Gizaraʼeli ba wasuwöta me lalawa ndraono Gamoni. Imane Yefita khö Yehowa, ’Na ötolo ndraʼaga ba möna ba wasuwöta andre, fazazi ndraʼo khöu, niha si oföna  mangondrasi yaʼo moroi ba nomogu, daʼö nibeʼegu khömö.’ Ifondrondrongo Yehowa wangandrö Yefita, irege möna ia.

Me mangawuli Yefita, niha si oföna möi baero wangondrasi yaʼia, ononia alawe si ha sambua. Manari nononia ba ibözi damburu. Itörö tödö Yefita zi no izazi imane, ’Alai, onogu! Abu dödögu öbeʼe. No fazazi ndraʼo khö Yehowa ba enaʼö itörö zi no uzazi, hasambalö utehegö ndraʼugö wangai halöwö ba nose Lowalangi ba Zilo.’ Imane ononia, ’He Bapa, na no fazazi ndraʼugö khö Yehowa, hasambalö öfalua. Hizaʼi, tehegö khögu weʼamöi ba hili faoga nawö-awögu ono alawe dua waŵa waʼara. Aefa daʼö möido ba Zilo.’ Lö faröi nono Yefita ba wangai halöwö ba nose Lowalangi sandrohu faʼaurinia. Ero röfi lafalukhaisi ia ira awönia ba Zilo.

”Haniha zabölö mangomasiʼö amania mazui inania moroi ba wangomasiʼönia yaʼo, tenga sinangea tobali ia nifahaʼögu.”​—Mataiʼo 10:37