Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Fahaʼö Ndra’ugö ba Cerita-Cerita Zura Niʼamoniʼö

Famaehagö Faosatö 6

Famaehagö Faosatö 6

Me larugi Danö Amabuʼula iraono Gizaraʼeli ba gafuriata, tobali nahia wamosumange satulö nose Lowalangi. Lafahaʼö ira ere Goroisa Moze, ba ladöniaʼö soi daʼö ira sanguhuku. Ba duho daʼa, teʼoromaʼö wa angetula hegöi nifalua zi samösa niha, ebua sibai lua-luania ba niha tanö böʼö. Ero samösa ndraono Gizaraʼeli, tebai faröi ira khö Yehowa hegöi ba nawöra niha. Tutunö hadia lua-luania ba niha si fasui yaʼira nifalua Debora, Naʼemi, Yosua, Khana, ono Yefita ono alawe, ba Samueli. Haogö wanutunö wa so niha moroi ba soi böʼö simane Rakhaba, Ruti, Yaʼela, hegöi niha Gibeona somasi fao börö me laʼila wa fao Lowalangi ba ndraono Gizaraʼeli.

SO BA DA'A

FAMAHAʼÖ 29

Yosua Nifili Yehowa

Yehowa zameʼe fanuturu lala khö Yosua, ba moguna göi nasa khöda iadaʼa.

FAMAHAʼÖ 30

Ibiniʼö Rakhaba Zamauze

Adudu göli mbanua Yerikho. Hizaʼi lö adudu nomo Rakhaba hewaʼae ba göli daʼö so.

FAMAHAʼÖ 31

Yosua ba Niha Gibeona

Mangandrö Yosua khö Lowalangi: ”Badugöʼö yaʼugö luo!” Hadia itema Lowalangi wangandrönia andrö?

FAMAHAʼÖ 32

Sondröniaʼö si Bohou ba Darua Ndra Alawe si Lö Ataʼu

Me no mate Yosua, ibörötaigö lasömba nadu iraono Gizaraʼeli. Tefakao waʼaurira, hizaʼi itolo ira Lowalangi, ifatenge zanguhuku sotöi Baraki, Debora ba Yaʼela!

FAMAHAʼÖ 33

Ruti ba Naʼemi

Darua ndra alawe si no mate foʼomo ira matua sangawuli ba Gizaraʼeli. Samösa ba gotaluara yaʼia daʼö Ruti, sohalöwö ba nowi, ba inehe-nehegö ia Boasi.

FAMAHAʼÖ 34

Gideono Ikalaisi Niha Midiano

Börö me lafakao ira niha Midiano ndraono Gizaraʼeli, andrö mangandrö tolo ira khö Yehowa. Hadia nifalua zaradadu Gideono ba wokalaisi saradadu si 135.000?

FAMAHAʼÖ 35

Mangandrö Khana Enaʼö So Nononia

Elikana iʼohe Khana, Fenina, awö nösi nomonia ba Zilo ba wamosumange Lowalangi. Ba daʼö mangandrö Khana enaʼö so nononia. Ambö döfi, tumbu khönia Zamueli!

FAMAHAʼÖ 36

Zazi Yefita

Hadia zazi Yefita, ba hadia mbörö? Hadia niwaʼö nono Yefita me irongo zi no izazi amania?

FAMAHAʼÖ 37

Fahuhuo Yehowa khö Zamueli

Ono Gere Sebua sotöi Eli tobali ere ira ba nose Lowalangi. Hizaʼi lö laʼoʼö goroisa Lowalangi. Tenga simanö Zamueli. Samuza inötö, fahuhuo Yehowa khö Zamueli.

FAMAHAʼÖ 38

Yehowa Zamofaʼabölö Simesono

Ifofaʼabölö Zimesono Yehowa ba wolawa ira niha Wilisiti, hizaʼi me ifatunö Simesono hadia mbörö waʼabölönia, laraʼu ia ira niha Wilisiti.