Faigi nösi

Faigi ba gangolifa

Samaduhu’ö Yehowa

Fili li Nias

 FAMAHAʼÖ 82

Ifomaha Wangandrö Ndra Nifahaʼönia Yesu

Ifomaha Wangandrö Ndra Nifahaʼönia Yesu

Omasi ndra Farizaiʼo enaʼö lasuno-suno ira niha. Lafalua zi sökhi ha enaʼö laʼila ira niha. Mangandrö ira ba nahia si rami enaʼö laʼila ira niha. No latanö ba dödöra wangandrö sanau ira Farizaiʼo ba latötöi wangandrö daʼö ba nahia waʼowulo hegöi ba lala, enaʼö larongo ira niha. Börö daʼö, tokea niha me imane Yesu, ’Na mangandrö ami, böi simane ira Farizaiʼo. Lawalinga omasi Lowalangi na oya wehedera, sindruhunia sa löʼö. Na mangandrö ami tenga enaʼö laʼila niha, hizaʼi ha ba wahuhuosa khö Yehowa. Böi mifuli-fuli furi wangandrömi. Omasi Yehowa na mifatunö khönia hadia nirasoimi.

’Simane daʼa na mangandrö ami: ”He Ama khöma si so ba zorugo, yateʼamoniʼö döimö. Yatohare Wamatörömö. Yaʼitörö zomasi ndraʼugö, hulö simane ba zorugo, yasimanö göi ba gulidanö.”’ Iwaʼö  göi khöra Yesu wa tola mangandrö ira sanandrösa ba zoguna khöra maʼökhö daʼö, laʼandrö enaʼö teʼefaʼö horöra ba oya danö böʼö zinangea laʼohe ba wangandrö.

Imane Yesu, ’Böi mibato wangandrö. Böi miböhöli wangandrö si sökhi khö Namami Yehowa. Tatu manö omasi zatua na ibeʼe zi sökhi ba ndraononia. Na mangandrö roti ndraonomi, hadia mibeʼe önia gara? Na iʼandrö giʼa, hadia mibeʼe önia gulö?’

Aefa daʼö ihaogö wamatunö khöra Yesu hadia wamahaʼönia, ’Na yaʼami manö miʼila mibeʼe zi sökhi ba ndraonomi, mendrua manö Namami andrö Yehowa. Hasambalö wa ibeʼe khömi geheha niʼamoniʼö. Fefu daʼö ha niʼandrömi.’ Hadia öʼoʼö niwaʼö Yesu? Hadia manö niʼangandröimö?

”Böi miböhöli wangandrö ba tebeʼe khömi; böi mibato wangalui ba misöndra; mibökö-bökö mbawandruhö ba tebokai khömi.”​—Mataiʼo 7:7