Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Fahaʼö Ndra’ugö ba Cerita-Cerita Zura Niʼamoniʼö

Famaehagö Faosatö 1

Famaehagö Faosatö 1

Siföföna sibai, itutunö Sura Niʼamoniʼö hadia nifazökhi Lowalangi si so ba zorugo hegöi ba gulidanö. Börö daʼö, tola takhalaigö hadia zi sökhi nifazökhi Yehowa. Na so khöu ndraono, tolo ira enaʼö laʼila wa oya ngawalö niwöwöi. Fatunö khönia wa abölö tohude wamazökhi Yehowa niha moroi ba gurifö. Tola fahuhuo niha, mangera-ngera, mamazökhi hadia ia, manunö, ba mangandrö. Tolo ia enaʼö aboto ba dödönia wa ebua sibai kuaso hegöi faʼatua-tua Yehowa, ba sabölö tohude, iʼomasiʼö fefu niwöwöinia Yehowa, mendrua manö ita.

SO BA DA'A

FAMAHAʼÖ 1

Ifazökhi Zorugo Lowalangi hegöi Ulidanö

Iwaʼö Sura Niʼamoniʼö wa Lowalangi zamazökhi banua hegöi ulidanö. Hadia mbörö wa oföna ifazökhi zi samösa malaʼika fatua lö ifazökhi danö böʼö?

FAMAHAʼÖ 2

Ifazökhi Ndra Matua hegöi Ira Alawe Siföföna Lowalangi

Ifazökhi ndra matua hegöi ira alawe siföföna Lowalangi ba ibeʼe ira ba Kabu Edena. Omasi ia na tobali ira si sambua omo ba labaliʼö faradaiso gulidanö.