Faigi nösi

Faigi ba menu sekunder

Samaduhu’ö Yehowa

Nias

Hewisa Molo’ö Ya’ugö Wa’aurida Andre ba zi So Föna?

Hewisa Molo’ö Ya’ugö Wa’aurida Andre ba zi So Föna?

Hadia ulidanö andre . . .

  • simane-mane da’a manö?

  • itugu lö sökhi?

  • ma’itugu sökhi?

 HADIA NIWA’Ö DAROMALI LOWALANGI

”Lowalangi . . . i’osi dania dawa hörö fefu ba höröra, lö fa’amate sa’ae, lö fa’abu dödö, lö fege’ege, lö fa’afökhö, me no numalö zi föföna andrö.”Fama’ele’ö 21:3, 4, Sura Ni’amoni’ö.

HADIA GUNANIA KHÖDA

Owua-wua dödöda ba halöwö nifaluada.Yesaya 65:21-23.

Lö fökhö ma famakao tanö bö’ö.Yesaya 25:8; 33:24.

Tasöndra wa ohahau dödö si lö tebulö ya’ita si sambua omo hegöi awöda tanö bö’ö.Zinunö 37:11, 29.

 HADIA TOLA TAFADUHUSI TÖDÖ NIWA’Ö DAROMALI LOWALANGI?

Tola. Si lö’ö-lö’önia so dombua mbörö wa faduhu dödöda:

  • Tola ifalua zi no ifabu’u Lowalangi. Ba Zura Ni’amoni’ö ha Yehowa nifotöi ”Samatörö fefu hadia ia”, me famatörönia lö ola. (Fama’ele’ö 15:3) Börö zimanö, sindruhu-ndruhu wa tola ifalua zi no ifabu’u, wa’ifuli i’a’azökhi dania gulidanö andre tobali sökhi, simane niwa’ö ba Zura Niamoni’ö, ”Lö sitebai khö Lowalangi.”Matai’o 19:26.

  • Edöna sibai Lowalangi ifalua gamabu’ula linia. Duma-dumania, ”humulu” sibai dödö Yehowa ba wangorifi niha si no mate.Yobi 14:14, 15.

    Sura Ni’amoni’ö zangombakha wa no irai ifadöhö zofökhö Yesu meföna. Hana wa’ifalua da’ö? Börö wa’omasinia. (Mareko 1:40, 41) Hulö simane Lowalangi, omasi sibai Yesu itolo niha sangarö-ngarö.Yohane 5:19.

    Andrö wa faduhu dödöda wa’omasi sibai Yehowa hegöi Yesu na so khöda wa’ohahau dödö ba zi so föna!Zinunö 72:12-14; 145:16; II Fetero 3:9.

 SI NANGEA MU’ANGERAIGÖ

Hewisa wangehaogö Lowalangi gulidanö andre dania?

Taromali Lowalangi zangombakha khöda hadia wanema li ba zura MATAI’O 6:9, 10 ba DANIELI 2:44.