Faigi nösi

Faigi ba menu sekunder

Samaduhu’ö Yehowa

Nias

Hadia Lala ba Wanöndra Fa‘ohahau Dödö Yomo ba zi Sambua Ngambatö?

Hadia Lala ba Wanöndra Fa‘ohahau Dödö Yomo ba zi Sambua Ngambatö?

Molo’ö ya’ugö hadia . . .

  • fa’omasi?

  • kefe?

  • ma tanö bö’önia?

 HADIA NIWA’Ö DAROMALI LOWALANGI

”Ya’ahowu zamondrongo Taromali Lowalangi ba samalua ya’ia!”​—Luka 11:28, Sura Ni’amoni’ö.

HADIA GUNANIA KHÖDA

Tasöndra wa’omasi si lö tebulö.​—Efeso 5:28, 29.

Tafosumange nawöda soroi ba dödö.​—Efeso 5:33.

Si ndruhu-ndruhu wa tarasoi wa ohahau dödö.​—Mareko 10:6-9.

 HADIA TOLA TAFADUHUSI TÖDÖ NIWA’Ö DAROMALI LOWALANGI?

Tola. Silö’ö-lö’önia so dombua mbörö wa faduhu dödöda:

  • Lowalangi zamobörö fongambatö. Sura Ni’amoni’ö zango-mbakha ”fefu zongambatö mo’ömö töi” ira khö Yehowa. (Efeso 3:14, 15) Atulö, Yehowa zamazökhi fongambatö. Nasi-manö hadia nifaluada?

    Angeraigö tödöu: Na ta’a gö sami ba’omasi ita ta’ila hewisa wondrino ya’ia, Ha’ökhö tasofu? Tatu manö ba niha sondrino ya’ia.

    Simanö göi, ena’ö ta’ila hadia lala wanöndra fa’ohahau dödö yomo ba nomo, tatu manö ta’andrö wanuturu lala moroi khö Yehowa, samobörö fongambatö.​—I Moze 2:18-24.

  • I’osinangegö ita Lowalangi. Fefu zongambatö moguna la’andrö mene-mene khö Yehowa, si so ba Daromalinia. Hadia mbörö? ”Soso sa dödönia ita.” (I Fetero 5:6, 7) Omasi Yehowa ifalua zi sökhi khöda​—mene-menenia saekhu ba wa ohahau dödö!​—Amaedola 3:5, 6; Yesaya 48:17, 18.

 SI NANGEA MU’ANGERAIGÖ

Hewisa ena’ö tobali ndra’ugö fo’omo ira matua, fo’omo ira alawe, ma satua si sökhi?

Taromali Lowalangi zangombakha khöda hadia wanema li ba zura EFESO 5:1, 2 ba KOLOSE 3:18-21.