Hewisa molo’ö ya’ugö?

  • Tola.

  • Tebai.

  • Löu’ila.

 HADIA NIWA’Ö DAROMALI LOWALANGI

”I’osi dania dawa hörö fefu ba höröra, ba lö fa’amate sa’ae, lö fangabu dödö, lö fege’ege, lö fa’afökhö.”Fama’ele’ö 21:3, 4, Sura Ni’amoni’ö.

HADIA GUNANIA KHÖDA

Aboto ba dödöda wa tenga Lowalangi mbörö wa so gabula dödöda.Yakobo 1:13.

Terara dödöda me ta’ila ahakhö dödö Lowalangi ita.Zakharia 2:8.

So wanötöna wa fefu wamakao aheta samuza inötö.Zinunö 37:9-11.

 HADIA TOLA TAFADUHUSI TÖDÖ NIWA’Ö DAROMALI LOWALANGI?

Tola. Si lö’ö-lö’önia so dombua mbörö wa faduhu dödöda:

  • Fatuwu Lowalangi zi lö atulö awö wamakao. Angeraigö hewisa dödö Lowalangi me lafakao nono mbanuania me föna. Sura Ni’amoni’ö zangombakha wa’abu sibai dödönia ”me lagohi ba lafakao nono mbanuania”.—Zanguhuku 2:18.

    Fatuwu Lowalangi niha so’afökhöi’ö tödö awönia. Duma-dumania, Sura Ni’amoni’ö zangumaö ”tanga samunu niha si lö horö”ogoro Yehowa.—Amaedola 6:16, 17.

  • I’osinangegö ita Lowalangi zamösana. Ifarou ita Yehowa ena’ö tatou’ö khönia gabula dödöda ”me soso sa dödönia ita”.—I Fetero 5:7.

    Na alua wamatörö Yehowa, aheta fefu gabula dödöda zamösana. (Matai’o 6:9, 10) Gasa-gasa da’ö, irara dödö niha sangalui ba samalua somasi ia soroi ba dödö.Halöwö Zinenge 17:27; II Korindro 1:3, 4.

 SI NANGEA MUANGERAIGÖ

Hana wa itehegö tefakao niha Lowalangi?

Taromali Lowalangi zangombakha khöda hadia wanema li ba zura ROMA 5:12 ba II FETERO 3:9.